மியான்மரில் மேலும் 10 நாளிதழ்கள் தொடங்க அனுமதி

யாங்கூன்: மியான்மர்நாட்டில் மேலும் 10 நாளிதழ்களை தனியார் வெளியிடுவதற்கான அனுமதியை அந்நாட்டு தகவல் தொடர்புத்துறை அமைச்சகம் அனுமதி வழங்கியுள்ளது. இதில் அமெரிக்காவின் இண்டர்நேஷனல் ஹெரால்ட் டிரிபியூனும் மியான்மரில் இருந்து வெளியிடுவதற்கான லைசன்ஸை பெற்றுள்ளது.

மியான்மரில் ஜனநாயகப் பாதை மலரத் தொடங்கியதால் அண்மையில்16 தனியார் நாளிதழ்களுக்கு 50 ஆண்டுகளுக்குப் பிறகு அனுமதி அளிக்கப்பட்டது. இதைத் தொடர்ந்து மேலும் 11 நாளிதழ்கள் அச்சிடுவதற்கான லைசென்ஸ் கோரி விண்ணப்பிக்கப்பட்டிருந்தன. இதில் 10க்கு அனுமதி அளிக்கப்பட்டிருக்கிறது.

தற்போது அனுமதி கொடுப்பட்டதில் அமெரிக்காவின் இண்டர்நேஷனல் ஹெரால்ட் டிரிபியூனும் அடங்கும். மியான்மர் நாட்டில் வெளிநாட்டு ஆங்கில செய்தித் தாள் ஒன்று அச்சிடுவதற்கு தற்போதுதான் முதல்முறையாக அனுமதி கொடுக்கப்பட்டிருக்கிறது என்பது குறிப்பிடத்தக்கது.

English summary

Myanmar's Ministry of Information on Tuesday granted licenses for 10 more private daily newspapers, bringing the total to 26 possible dailies in the country, two of which are to be in English—the Myanmar Freedom Daily and International Herald Tribune.