ஒரு ஸ்பூன் சாக்கடை நீர் ஊத்துனா போதும்... செல்போன் சார்ஜ் ஆகிடுமாம்: வாட்டர் தெரபி

Published: Thursday, May 2, 2013, 10:33 [IST]

Subscribe to Oneindia Tamil

ஸ்டாக்ஹோம்: மின்சார தட்டுப்பாடு நிலவும் தமிழகம் போன்ற மாநிலங்களில் வாழும் செல்போன் பேசிகளே, கரண்டை பற்றிக் கவலைப்படாமல் இனி தண்ணீரிலேயே உங்கள் செல்போனை சார்ஜ் செய்யலாம் என்றால் நம்புவீர்களா?

ஆம், இன்று நம்மில் பலருக்கு ஆறாம் விரலாய் மாறிவிட்டது செல்போன். செல்போன் உலகளவில் அனைத்து தரப்பினரையும் ஈர்த்து வருகிறது என்றால் மிகையில்லை. இருப்பினும், மின்சாரம் இல்லாமல், பேட்டரியை சார்ஜ் செய்ய இயலாது என்பது செல்போன் பயன்பாட்டில் இன்றளவும் ஒரு பின்னடைவாகவே இருந்து வருகிறது.

இந்த பிரச்சினைக்கு இப்போது சுவீடன் நாட்டு விஞ்ஞானிகள் தீர்வு கண்டு விட்டனர். செல்போன் பேட்டரியை சார்ஜ் செய்வதற்கு மின்சாரம் தேவையில்லை. ஒரு ஸ்பூன் தண்ணீர் இருந்தால் போதும், செல்போன் பேட்டரியை சார்ஜ் செய்து விடலாம்.

இதற்கு வாட்டர்தெரபி என பேர் வைத்துள்ளனர் ஆய்வாளர்கள்.

கையடக்க கருவி...

வாட்டர்தெரபிக்காக கைக்கு அடக்கமான ஒரு சிறிய கருவியை சுவீடன் நாட்டின் ராயல் இன்ஸ்டிடியூட் ஆப் டெக்னாலஜி விஞ்ஞானிகள் உருவாக்கியுள்ளனர்.

தண்ணீரில் சார்ஜ்...

இந்த கருவியை ஒரு ஸ்பூன் தண்ணீரில் சில நிமிடங்கள் வைத்தால் அந்த கருவியில் சார்ஜ் ஏறி விடுமாம்.

இது போதுமே...

இந்த கருவி செல்போன் பேட்டரிக்கு 3 வாட் மின்சாரம் வரை வழங்க முடியுமாம். எனவே செல்போன் சார்ஜ் செய்வதற்கு மின்சாரத்தை தேடி ஓட வேண்டியதில்லை. இந்த குட்டி கருவி இருந்தால் போதும்.

சுத்தமா இருக்கணும்னு அவசியம் இல்ல...

கருவியில் நல்ல தண்ணீர் அல்லது கடல் தண்ணீர் என்று எந்த தண்ணீரையும் ஊற்றலாம். மேலும், அது சுத்தமானதாக இருக்க வேண்டும் என்ற அவசியமும் இல்லை. சாக்கடை நீரையும் ஊற்றலாம்.