சாகச முயற்சியில் விபரீதம்... விமானம் வெடித்து ஸ்பெயின் அமைச்சரின் உதவியாளர் பலி
மேட்ரிட்: சாகச நிகழ்ச்சியில், விமானம் வெடித்து சிதறியதில் ஸ்பெயின் அமைச்சரின் உதவியாளர் பலியானார்.
ஸ்பெயின் நாட்டில் உள்ள மேட்ரிட் நகரில் நேற்று வரலாற்று சிறப்பு வாய்ந்த விமானங்களின் சாகச நிகழ்ச்சி நடைபெற்றது.
இந்நிகழ்ச்சியில் திறமையான விமானிகள் தங்களது சாகசத்தால் மக்களை மகிழ்வித்தனர். ஆனால் அந்த மகிழ்ச்சி அதிக நேரம் நீடிக்கவில்லை.
சாகச நிகழ்ச்சி...
கியூயாட்ரோ வியெண்டோஸ் விமான தளத்தில் நடைபெற்ற இந்நிகழ்ச்சியை காண 3 ஆயிரத்துக்கும் மேற்பட்ட மக்கள் திரண்டிருந்தனர்.
குட்டிக் கரணம் போட்டார்...
ஸ்பெயின் நாட்டின் ராணுவ மந்திரியின் உதவியாளர் லடிஸ்லோ டெஜேடோர் ரோமெரோ (35), 1950-ம் ஆண்டு தயாரிக்கப்பட்ட ஜெட் விமானத்தை ஓட்டி, வானத்தில் குட்டிக் கரணம் அடித்து தனது திறமையை வெளிப்படுத்தினார்.
விமானம் வெடித்தது...
சற்றும் எதிர்பாராத வகையில் அந்த விமானம் வெடித்து சிதறியது. பந்து போல மேலெழும்பிய தீப்பிழம்பை கண்டு வேடிக்கை பார்க்க கூடியிருந்த மக்கள் திகைப்படைந்தனர்.
பலியானார்...
பலத்த தீக்காயங்களுடன் உடல் கருகிய நிலையில் ஆஸ்பத்திரியில் அனுமதிக்கப்பட்ட மந்திரியின் உதவியாளர் சில நிமிடங்களில் உயிரிழந்தார்.