• search
For Quick Alerts
ALLOW NOTIFICATIONS  
For Daily Alerts

கடல் கடந்து வந்து தமிழக காதலரை கரம் பிடித்த மலேசிய பெண்!

|

Love
ராமநாதபுரம்: மலேசியாவில் இருந்து தமிழகம் வந்து காதலித்த நபரை திருமணம் செய்துள்ளார் இளம் பெண் ஒருவர். காதலுக்கு வாழ்த்து சொன்ன ராமநாதபுரம் போலீசார், மகிழ்ச்சியோடு காதல் ஜோடியை இணைத்து வைத்தனர்.

ராமநாதபுரம் மாவட்டம் ஆர்.எஸ்.மங்கலம் ஆஷா தெருவை சேர்ந்தவர் தாமரைக் கண்ணன் (29). இவர் கடந்த 2008 ம் ஆண்டு மலேசியா நாட்டிற்கு வேலைக்கு சென்றார்.

அங்கு பகாங் என்ற பகுதியில் ஒரு கடையில் வேலை பார்த்துக் கொண்டிருந்த போது அருகில் மளிகை கடை வைத்திருந்த கில்லாங் பகுதி தாமன் செந்தோசாவை சேர்ந்த நடராஜன் என்பவரின் மகள் தில்லைஅஞ்சலையுடன் (30) பழக்கம் ஏற்பட்டு, அது காதலாக மாறி இருவரும் கடந்த 5 வருடங்களுக்கு மேலாக காதலித்து வந்துள்ளனர்.

இந்த நிலையில், தில்லையின் தந்தை நடராஜன் கடந்த 3 வருடங்களுக்கு முன்பு இறந்து விட்டதால் கடையை காலி செய்து விட்டு தில்லை, அருகில் உள்ள ஒரு பெட்ரோல் பங்கில் காசாளராக பணியாற்றி வந்தார்.

இந்த நிலையில் காதலர்கள் இருவரும் திருமணம் செய்து கொள்ள முடிவு செய்தனர். இதற்காக மலேசியாவில் இருவரும் திருமணம் செய்ய முயன்ற போது திருமணமாகாதவர் சான்றிதழ் பெறுவதில் தாமரைக்கண்ணனுக்கு சிக்கல் ஏற்பட்டது.

எனவே தமிழ்நாட்டிற்கு வந்த தாமரைக்கண்ணன் பெற்றோரிடம் சம்மதம் கேட்டார் அதோடு சான்றிதழ் பெறவும் முயற்சி செய்தார்.

ஆனால் அவரின் காதலுக்கு பெற்றோர் எதிர்ப்பு தெரிவித்தனர். இதனால் தாமரைக்கண்ணணுக்கு மேலும் சிக்கல் ஏற்பட்டது.

இதனால், தில்லைஅஞ்சலை, மலேசியா நாட்டில் தான் திருமணமாகாதவர் என்ற சான்றிதழை பெற்றுக் கொண்டு தமிழகம் வந்தார்.

இதனையடுத்து, இவர்கள் இருவரும் தங்களுக்கு திருமணம் செய்து வைக்க கோரி ராமநாதபுரம் அனைத்து மகளிர் காவல் நிலையத்தில் தஞ்சம் அடைந்தனர்.

இது தொடர்பாக போலீஸ் இன்ஸ்பெக்டர் மீனாம்பாள் மேற்படி தாமரைக்கண்ணனின் பெற்றோரிடம் பேச்சுவார்த்தை நடத்தினார். ஆனால் அவர்கள் சம்மதம் தெரிவிக்கவில்லை என கூறப்படுகின்றது.

இதனையடுத்து, காதலர்கள் தாமரைக் கண்ணணையும், காதலி தில்லை அஞ்சலையும் காவல் நிலையத்தில் வைத்து இன்ஸ்பெக்டர் மீனாம்பாள் முன்னிலையில் மாலை மாற்றி திருமணம் செய்து கொண்டனர்.

இதில், தில்லைஅஞ்சலை மலேசிய நாட்டு குடியுரிமை பெற்றவர் என்பது குறிப்பிடத்தக்கது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Ramanathapuram police helped a Malaysian woman to wed her lover in Ramnad PS.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more