பாட்டு பாடியதால் அமெரிக்கன் ஏர்லைன்ஸ் விமானம் அவசரமாக தரையிறக்கப்பட்டு கீழே இறக்கிவிடப்பட்ட பெண்

லாஸ் ஏஞ்சல்ஸ்: லாஸ் ஏஞ்சல்ஸில் இருந்து நியூயார்க் சென்ற விமானத்தில் சென்ற பெண் ஒருவர் நிறுத்தாமல் பாட்டு பாடியதால் விமானம் அவசரமாக தரையிறக்கப்பட்டு அவர் கீழே இறக்கிவிடப்பட்டார்.

அமெரிக்காவின் லாஸ் ஏஞ்சல்ஸில் இருந்து நியூயார்க் நகருக்கு அமெரிக்கன் ஏர்லைன்ஸ் விமானம் ஒன்று கடந்த 9ம் தேதி கிளம்பியது. அந்த விமானத்தில் பயணம் செய்த இளம்பெண் ஒருவர் ஹாலிவுட் நடிகையும், பாடகியுமான விட்னி ஹூஸ்டனின் ஐ வில் ஆல்வேஸ் லவ் யூ உள்ளிட்ட பாடல்களை பாடிக் கொண்டே இருந்தார். அவர் நிறுத்தாமல் பாடிக் கொண்டே வந்தது சக பயணிகளை எரிச்சல் அடைய வைத்துள்ளது.

இதையடுத்து விமானம் அவரசரமாக கன்சாஸ் சிட்டியில் தரையிறக்கப்பட்டது. இதைத் தொடர்ந்து அந்த இளம்பெண் விமானத்தில் இருந்து கீழே இறக்கிவிடப்பட்டார். விசாரணைக்கு பிறகு அவர் விடுவிக்கப்பட்டார். அவரை மீண்டும் விமானத்தில் ஏற்றி நியூயார்க்கில் இறக்கிவிட அமெரிக்கன் ஏர்லைன்ஸ் மறுத்துவிட்டது.

அந்த பெண்ணை விமானத்தில் இருந்து 3 அதிகாரிகள் கீழே இறக்கிவிட்டதை சக பயணி ஒருவர் வீடியோ எடுத்து வெளியிட்டுள்ளார்.

English summary

An American Airlines flight made an emergency stop at Kansas city to kick off a woman passenger who refused to stop singing Whitney Houston songs.