சரிந்து கொண்டே போகும் தங்கம் விலை: சவரனுக்கு ரூ.304 குறைவு

சென்னை: தங்கத்தின் விலை தொடர்ந்து இறங்குமுகத்தில் உள்ளது. இன்று ஆபரணத் தங்கத்தின் விலை சவரனுக்கு ரூ.304 குறைந்துள்ளது.

விண்ணைத் தொட்ட தங்கத்தின் விலை கடந்த மாதம் சரிந்தது. சவரனுக்கு ரூ.1,600 வரை குறைந்து ஒரு சவரன் தங்கம் ரூ.19,200க்கு விற்பனை செய்யப்பட்டது. அதன் பிறகு தங்கத்தின் விலை படிப்படியாக உயர்ந்து ஒரு சவரன் ரூ.21,000த்தை தொட்டது. இந்நிலையில் தங்கத்தின் விலை மீண்டும் சரிந்து வருகிறது.

கடந்த 15ம் தேதி 10 கிராம் தங்கத்தின் விலை ரூ.600 குறைந்து ரூ.27,300க்கு விற்பனை செய்யப்பட்டது. மறுநாள் 10 கிராம் தங்கத்தின் விலை ரூ.500 குறைந்து ரூ. 26,800க்கு விற்பனை செய்யப்பட்டது.

இதையடுத்து இன்று தங்கத்தின் விலை பெரிதும் சரிந்துள்ளது. இன்று காலை ஆபரணத் தங்கத்தின் விலை சவரனுக்கு ரூ.304 குறைந்தது. சென்னையில் ஒரு கிராம் ஆபரணத் தங்கம்(22 காரட்) ரூ.2,439க்கு விற்கப்பட்டது. ஒரு சவரன் ஆபரணத் தங்கத்தின் விலை(24 காரட்) ரூ.26090 ஆக இருந்தது.

ஒரு கிராம் வெள்ளி ரூ.44.40க்கும், ஒரு கிலோ ரூ.44485க்கும் விற்பனை செய்யப்பட்டது.

English summary

Gold prices continue to be in decreasing mode from last week. A sovereign gold costs Rs.304 lesser today.