பிரதமர் வேட்பாளராக மோடி.. பாஜக அணிக்கு கூடுதல் தொகுதிகள் கிடைக்கும்: கருத்துக் கணிப்பு

டெல்லி: லோக்சபா தேர்தலில் பாஜக தலைமையிலான தேசிய ஜனநாயகக் கூட்டணி குஜராத் முதல்வர் நரேந்திர மோடியை பிரதமர் வேட்பாளராக முன்னிறுத்தினால் கூடுதல் தொகுதிகளைக் கைப்பற்றும் என்று கருத்துக் கணிப்பில் தெரிவிக்கப்பட்டுள்ளது.

ஹெட் லைன்ஸ் டுடே- சி வோட்டர் இணைந்து நடத்திய கருத்துக் கணிப்பில் மோடியை பிரதமர் வேட்பாளராக முன்னிறுத்தினால் தேசிய ஜனநாயகக் கூட்டணிக்கு 220 தொகுதிகள் கிடைக்கும். அதாவது கடந்த 2009ஆம் ஆண்டு தேர்தலைவிட 41 தொகுதிகள் கூடுதலாக கிடைக்கும் என்கிறது கருத்துக் கணிப்பு. அதே நேரத்தில் காங்கிரஸ் தலைமையிலான ஐக்கிய முற்போக்குக் கூட்டணிக்கு 155 தொகுதிகள் கிடைக்கும் . மூன்றாவது அணி அல்லது இதர கட்சிகளுக்கு 168 தொகுதிகள் கிடைக்கும் என்று கூறப்படுகிறது.

ஒருவேளை மோடியை முன்னிறுத்தாமல் பாஜக தலைமையிலான தேசிய ஜனநாயகக் கூட்டணி தேர்தலை சந்திக்குமேயானால் 179 தொகுதிகள் மட்டும் கிடைக்கும்.. ஐக்கிய முற்போக்குக் கூட்டணிக்கு 132ம் இதர கட்சிகளுக்கு 232 தொகுதிகள் கிடைக்கும் என்றும் கருத்துக் கணிப்பு கூறுகிறது.

English summary

The UPA's tally is set to crash by 95 in the Lok Sabha elections for 2014, forecasts a Headlines Today-C-Voter opinion poll. However, the biggest surprise is that the UPA's loss is not automatically translating to big gains for the NDA. The Opinion Poll is also the first to gauge the impact of Narendra Modi on the fortunes of the main alliances in 2014.