பைபாஸ் ஆபரேஷன்: ஆள் அனுப்பி ராமதாஸ் உடல் நிலையை விசாரித்த கருணாநிதி

சென்னை: இதய அறுவை சிகிச்சை செய்து கொண்ட பாமக நிறுவனர் டாக்டர் ராமதாஸின் உடல் நிலை குறித்து திமுக தலைவர் கருணாநிதி விசாரித்தார்.

பாமக நிறுவனர் ராமதாஸுக்கு மூச்சுத் திணறல் ஏற்பட்டதையடுத்து கடந்த வாரம் சென்னையில் உள்ள அப்பல்லோ மருத்துவமனையில் அனுமதிக்கப்பட்டார். அவரை பரிசோதித்த மருத்துவர்கள் அவருக்கு இதய அறுவை சிகிச்சை செய்ய வேண்டும் என்று தெரிவித்தனர். இதையடுத்து கடந்த 20ம் தேதி அவருக்கு இதய அறுவை சிகிச்சை செய்யப்பட்டது. சிகிச்சைக்கு பிறகு அவர் தற்போது நலமாக உள்ளார். அவரை அவரது மகன் அன்புமணி ராமதாஸ் குடும்பத்தினர் மருத்துவமனையில் இருந்து கவனித்துக் கொள்கின்றனர்.

தீவிர சிகிச்சை பிரிவில் வைக்கப்பட்டிருக்கும் ராமதாஸை பார்க்க பார்வையாளர்கள் அனுமதிக்கப்படவில்லை. இந்நிலையில் ராமதாஸின் உடல் நிலை குறித்து அறிந்து வருமாறு திமுக தலைவர் கருணாநிதி டிகேஎஸ் இளங்கோவன் எம்.பி.யை மருத்துவமனைக்கு அனுப்பி வைத்தார். ராமதாஸை சந்திக்க மருத்துவர்கள் அனுமதிக்காததால் இளங்கோவன் அன்புமணியிடம் அவரது தந்தையின் உடல்நலம் குறித்து விசாரித்தார்.

இளங்கோவன் அன்புமணியிடம் சுமார் 15 நிமிடங்கள் பேசிவிட்டு சென்றார். அதன் பிறகு அவர் கருணாநிதியை சந்தித்து ராமதாஸின் உடல் நிலை குறித்த விவரங்களை தெரிவித்தார்.

English summary

DMK supremo Karunanidhi sent TKS Elangovan to inquire about the PMK founder Dr. Ramadoss' health. Ramadoss underwent bypass surgery at Apollo hospital in Chennai on may 20.