பாகிஸ்தானில் பள்ளி வேனில் சிலிண்டர் வெடித்துது! 17 குழந்தைகள் பலி!!

இஸ்லாமாபாத்: பாகிஸ்தானில் பள்ளி வேனில் இருந்த சிலிண்டர் வெடித்து சிதறியதில் 17 பள்ளிக் குழந்தைகள் பரிதாபமாக உயிரிழந்தனர்.

தலைநகர் இஸ்லாமாபாத்தில் இருந்து 200 கிலோமீட்டர் தொலைவில் உள்ளது குஜ்ராத் மாகாணம். அங்கு பள்ளி சிறுவர்களை ஏற்றி கொண்டு வேன் ஒன்று சென்று கொண்டிருந்தது. அப்போது வேனில் பொருத்தப்பட்டிருந்த சிலிண்டர் திடீரென வெடித்து தீப்பிடித்து எரிந்தது.

இந்த சம்பவத்தில் ஆசிரியர் ஒருவர் மற்றும் 17 குழந்தைகள் பலியானார்கள். 7 பேர் காயமடைந்தனர். அவர்கள் அனைவரும் மருத்துவமனையில் சிகிச்சைக்காக அனுமதிக்கப்பட்டு உள்ளனர்.

வெடி விபத்து ஏற்பட்ட உடன் வேன் ஓட்டுனர் தப்பி ஓடிவிட்டதாக போலீசார் தெரிவித்துள்ளனர். பள்ளி வேன் வெடித்து குழந்தைகள் உயிரிழந்த சம்பவம் பெற்றோர்களிடையே அதிர்ச்சியை ஏற்படுத்தியுள்ளது.

English summary

At least 17 children and a teacher were burned to death in eastern Pakistan’s Gujrat region on Saturday when a faulty gas cylinder exploded on the bus taking them to school.