இந்தியாவில் தலித் மக்களின் எண்ணிக்கை 16.6%: தமிழகத்தில் 18%.. ஆனால், அதிகாரம்?

டெல்லி: நாடு முழுவதும் தாழ்த்தப்பட்ட பிரிவைச் சேர்ந்த மக்களின் எண்ணிக்கை 20 கோடியாகும் (20,13,78,086). அதாவது மொத்த மக்கள் தொகையில் 16.6% தலித் மக்கள் ஆவர்.

தேசிய அளவில் 2011ம் ஆண்டு எடுக்கப்பட்ட சென்ஸஸ் முடிவுகள் இப்போது வெளியாகியுள்ளன. அதன் விவரம்:

நாடு முழுவதும் தாழ்த்தப்பட்ட பிரிவைச் சேர்ந்த மக்களின் எண்ணிக்கை 20 கோடியாகும் (20,13,78,086). அதாவது மொத்த மக்கள் தொகையில் 16.6% தலித் மக்கள் தான். (ஆனால், நாடு சுதந்திரமடைந்து 60 ஆண்டுகளில் இந்த சமூகத்தைச் சேர்ந்த ஒரே ஒருவர் தான் நாட்டின் தலைமை நீதிபதியே ஆகியிருக்கிறார். அதே நேரத்தில் இச் சமூகத்தினர் யாரும் பிரதமர் ஆனதில்லை. ஜனாதிபதி என்ற ரப்பர் ஸ்டாம்ப் பதவி தான் தரப்பட்டுள்ளது.)

இதில் 15 கோடி பேர் கிராமப் பகுதிகளில் வசிக்கின்றனர். பழங்குடி இனத்தினரின் எண்ணிக்கை 10 கோடியாகும் (10,42,81,034). இதில் 9 கோடி பேர் கிராமப் பகுதிகளில் தான் வசிக்கின்றனர்.

மொத்தமுள்ள தலித் மக்களில் பாதிக்கும் மேற்பட்டோர் உத்தரப் பிரதேசம் (20.5%), மேற்கு வங்கம் (10.7%), பிகார் (8.2%), மற்றும் தமிழகத்தில் (7.2%) தான் வசிக்கின்றனர்.

மாநில அளவிலான மக்கள் தொகையில் பஞ்சாபில் மொத்த மக்கள் தொகையில் 31.9 சதவீதத்தினர் தலித் மக்களாவர். மேற்கு வங்கம், ஹிமாச்சலப் பிரதேசத்தில் தலா 23.5, 25.2 சதவீதத்தினரும், தமிழகத்தில் மொத்த மக்கள் தொகையில் 18 சதவீதத்தினரும் தலித் மக்களாவர்.

English summary

Four states account for nearly half of the country's dalit population, reveals the 2011 census. Uttar Pradesh stands first with 20.5% of the total scheduled caste (SC) population, followed by West Bengal with 10.7%, says the data released by the Union census directorate on Tuesday. Bihar with 8.2% and Tamil Nadu with 7.2 % come third and fourth. Dalits form around 16.6% of India's population. Though UP has the largest chunk of the total SC population, Punjab has the largest share of dalits in its population at 31.9%. Himachal Pradesh and West Bengal follow Punjab with 25.2% and 23.5%. In Tamil Nadu, dalits account for about 18% of the population.