கருணாநிதிக்கு பிறந்த நாள் வாழ்த்து சொல்லாத விஜயகாந்த்...!

சென்னை: திமுக தலைவர் கருணாநிதிக்கு பிரதமர் முதல் சாதாரண தொண்டர் வரை அத்தனை பேரும் நேற்று 90வது பிறந்த நாள் வாழ்த்து தெரிவித்த நிலையில், தேமுதிக தலைவர் விஜயகாந்த் மட்டும் போனிலும் வாழ்த்துச் சொல்லவில்லை, நேரிலும் வரவில்லை.

திமுக தலைவர் கருணாநிதி நேற்று தனது 90வது பிறந்த நாளைக் கொண்டாடினார். அவருக்கு பிரதமர் மன்மோகன் சிங் உள்ளிட்ட தலைவர்கள், நடிகர் ரஜினிகாந்த் போன்ற திரைத்துறையினர், பல்துறைப் பிரமுகர்கள் நேரிலும், போனிலும் வாழ்த்து தெரிவித்தனர்.

இருப்பினும் முக்கியக் கட்சித் தலைவரான விஜயகாந்த் கருணாநிதிக்கு போனில் பிறந்த நாள் வாழ்த்து தெரிவிக்கவில்லை. மாற்றுக்கட்சியினர் பலரும், ஏன் கூட்டணியே வேண்டாம் என்று கருணாநிதியால் முடிவெடுக்கப்பட்ட காங்கிரஸ் கட்சித் தலைவர்களே நேரில் வந்து கருணாநிதியை வாழ்த்திய நிலையில் விஜயகாந்த் கருணாநிதிக்கு வாழ்த்து தெரிவிக்காதது திமுகவினர் மத்தியில் ஏமாற்றத்தை ஏற்படுத்தியது.

மேலும், திமுகவுடன், தேமுதிக கூட்டணி அமைக்கும் வாய்ப்புள்ளதாக கிசுகிசுக்கப்படும் சூழ்நிலையில் விஜயகாந்த் கண்டிப்பாக நேரில் வந்து வாழ்த்து தெரிவிக்கலாம் என்ற எதிர்பார்ப்பும் இருந்தது. ஆனால் நேரிலும் வரவில்லை விஜயகாந்த்.

நேற்று இரவு வரை விஜயகாந்த் கருணாநிதியை வாழ்த்த வரவும் இல்லை, போனில் பேசவும் இல்லை என்று கூறப்படுகிறது.

English summary

Sources say that, DMDK president Vijayakanth did not wish Karunanidhi on his birth day yesterday.