ஈரான் பொருளாதாரத் தடையில் இருந்து இந்தியா உள்ளிட்ட 9 நாடுகளுக்கு அமெரிக்கா விலக்கு

வாஷிங்டன்: ஈரான் நாட்டில் இருந்து கச்சா எண்ணெய் இறக்குமதியைக் குறைக்க வேண்டும் என்ற பொருளாதாரத் தடையில் இருந்து இந்தியா உட்பட 9 நாடுகளுக்கு அமெரிக்கா விலக்கு அளித்துள்ளது.

அணு ஆயுத விவகாரத்தில் ஈரான் நாட்டில் இருந்து கச்சா எண்ணெய் இறக்குமதி செய்வதற்கு அமெரிக்கா பொருளாதார தடை விதித்தது. இதனை அடுத்து இந்தியா, சீனா, தென்கொரியா உள்பட 9 நாடுகள் ஈரான் கச்சா எண்ணெய் இறக்குமதியை குறைக்க கெடு விதிக்கப்பட்டது. இதனால் 18.1 மில்லியன் டன் கச்சா எண்ணெய் இறக்குமதி செய்த இந்தியா கடந்த 2012-13-ம் ஆண்டில் இறக்குமதியை 13.3 மில்லியன் டன்னாக குறைத்தது. இது 26% இறக்குமதி குறைப்பாகும் . இதே போல சீனா, மலேசியா, தென்கொரியா, சிங்கப்பூர், தென் ஆப்பிரிக்கா, இலங்கை, துருக்கி, தைவான் ஆகிய நாடுகளும் கச்சா எண்ணெய் இறக்குமதியை கணிசமாக குறைத்தன.

இதைத் தொடர்ந்து இந்நியா, சீனா உள்பட 9 நாடுகளுக்கும் இந்தத் தடையில் இருந்து விதிவிலக்கு அளிக்கப்படுவதாக அமெரிக்க வெளியுறவு அமைச்சர் ஜான் கெர்ரி அறிவித்துள்ளார்.

English summary

United States on Thursday exempted India and eight other countries from sanctions for importing oil from Iran, noting that these countries have significantly reduced their dependence on Iranian oil in the last six months.