வேகமாக வளரும் 25 ஐடி நிறுவனங்களின் போர்ப்ஸ் பட்டியலில் ஒரேயொரு இந்திய நிறுவனம்

By Siva

Published: Friday, June 7, 2013, 15:58 [IST]

Subscribe to Oneindia Tamil

நியூயார்க்: அமெரிக்காவில் வேகமாக வளரும் 25 தொழில்நுட்ப நிறுவனங்களின் பெயர்கள் அடங்கிய பட்டியலை போர்ப்ஸ் வெளியிட்டுள்ளது. இதில் இந்திய ஐடி நிறுவனமான காக்னிசன்ட்டுக்கு 12வது இடம் கிடைத்துள்ளது.

போர்ப்ஸ் பத்திரிக்கை அமெரிக்காவில் வேகமாக வளர்ந்து வரும் 25 தொழில்நுட்ப நிறுவனங்களின் பட்டியலை வெளியிட்டுள்ளது. இந்த பட்டியலில் அமெரிக்காவை தலைமையிடமாகக் கொண்டு செயல்படும் இந்திய ஐடி நிறுவனமான காக்னிசன்ட்டுக்கு 12வது இடம் கிடைத்துள்ளது.

இந்த பட்டியலில் உள்ள ஒரே இந்திய நிறுவனம் கான்சின்ட் தான் என்பது குறிப்பிடத்தக்கது. மேலும் காக்னிசன்ட் கூகுளை விட வேகமாக வளரும் நிறுவனமாக உள்ளது.

லிங்க்ட்இன்னுக்கு முதலிடம்

வியாபார நெட்வொர்க்கிங் இணையதளமான லிங்க்ட் இன் தான் போர்ப்ஸ் பட்டியலில் முதலிடத்தைப் பிடித்துள்ளது.

இரண்டாவது இடத்தில் ஃபேஸ்புக்

ஃபேஸ்புக் நிறுவனம் வேகமாக வளர்ந்து வரும் நிறுவனங்களின் பட்டியலில் இரண்டாவது இடத்தில் உள்ளது.

ஆப்பிளுக்கு 3வது இடம்

ஆப்பிள் நிறுவனம் வேகமாக வளர்ந்து வரும் 3வது நிறுவனமாகும்.

காக்னிசன்ட் 12

இந்திய நிறுவனமான காக்னிசன்ட்டுக்கு போர்ப்ஸ் பட்டியலில் 12வது இடம் கிடைத்துள்ளது. அமெரிக்காவை தலைமையிடமாகக் கொண்டு செயல்பட்டாலும் ஊழியர்களில் பெரும்பாலானோர் இந்தியர்கள்.