’மிக்கி’ சர்க்கஸ் குரங்கு எடுத்த ஃபோட்டோ: லண்டனில் 44 லட்ச ரூபாய்க்கு ஏலம்
லண்டன்: மிக்கி என்ற குரங்கு எடுத்த புகைப்படம் ஒன்று 44 லட்சத்துக்கு ஏலம் போயுள்ளது.
சமீபத்தில் லண்டனில் ரஷ்ய புகைப்பட ஏலம் நடை பெற்றது. இதில் மிக்கி என்ற குரங்கு எடுத்த போட்டோ ஒன்று அதிகமான விலையாக கிட்டத்தட்ட 44 லட்ச ரூபாய்க்கு ஏலம் போயுள்ளது.
மிக்கிக்கு போட்டோ எடுக்கக் கற்றுக் கொடுத்தது விடாலி கோமர் மற்றும் அலெக்ஸாண்டர் மேளமிட் என்ற சர்க்கஸ் கலைஞர்கள். கற்றுக் கொள்ள ஆரம்பித்த உடனே, புகைப்படங்களை எடுத்துத் தள்ள ஆரம்பித்து விட்டதாம் மிக்கி.
ரெட் ஸ்கொயர் போட்டோ...
மிக்கியால் எடுக்கப்பட்ட மாஸ்கோவின் புகழ் பெற்ற ரெட் ஸ்கொயர் போட்டோ, சமீபத்தில் லண்டனில் சோத்பி எனும் இடத்தில் நடைபெற்ற ரஷ்ய புகைப்பட கண்காட்சியில், கிட்டத்தட்ட 50,000 பவுண்டுகளுக்கு ஏலம் போயுள்ளது.
போகஸ் ஆகலை...
தெளிவில்லாமல், சற்றே மங்கலாக இருக்கிறது இப்புகைப்படம். ஆனாலும் மிக்கியின் கைகளால் எடுக்கப்பட்ட காரணத்திற்காக, இந்தப் போட்டோவை கிரா என்ற ரஷ்யர் வாங்கியுள்ளார்.
விலங்குகள் சூப்பர் பாஸ்...
இவ்வளவு விலை கொடுத்து போட்டோவை வாங்கிய, கிரா தெரிவித்ததாவது, ‘ சில நேரங்களில் மனிதர்களை விட விலங்குகள் ஒரு செயலை சிறப்பாக செய்வதை நம்மால் காணமுடியும். மிக்கியின் இந்த புகைப்படம் அது போன்ற ஒன்றுதான்' என கூறினார்.
அடேங்கப்பா...
இந்திய ரூபாய் மதிப்புப்படி 50,000 பவுண்டுகள் என்பது சரியாக 43,62,876 ரூபாயாகும். கியா இவ்வளவு விலை கொடுத்துத்தான், அந்த 'ரெட் ஸ்கொயர்' போட்டோவை வாங்கியுள்ளார்.
கண்ணீர் அஞ்சலி...
மாஸ்கோ சர்க்கஸ்ஸில் சாகசங்கள் பல புரிந்து, பலரின் செல்லப்பிள்ளையாக வாழ்ந்த மிக்கி, 2007 ஆம் ஆண்டு மரணமடைந்தது.
Click it and Unblock the Notifications
Sign in with Google