3வது மனைவியை 'ராஜினாமா' செய்தார் முர்டோச்

நியூயார்க்: நியூஸ் கார்ப் நிறுவனத்தின் அதிபரான பிரபல மீடியா அதிபர் ருபர்ட் முர்டோச் தனது 3வது மனைவியையும் விவாகரத்து செய்து விட்டார்.

முர்டோச்சின் மூன்றாவது மனைவி பெயர் வென்டி டெங். சீனாவைச் சேர்ந்தவர். இவரைத்தான் தற்போது முர்டோச் விவாகரத்து செய்துள்ளார்.

வென்டிக்கு 44 வயதாகிறது. அவர், முர்டோச்சை விட 38 வயது இளையவர் ஆவார். முர்டோச் ஆஸ்திரேலியாவில் பிறந்தவர். நியூஸ் கார்ப் நிறுவனம் சுயேச்சையான பதிப்பு மற்றும் பொழுதுபோக்கு நிறுவனங்களாக பிரிக்கப்பட்டு வரும் நிலையில் தனது விவாகரத்தை அறிவித்துள்ளார் முர்டோச்.

இருவரும் கடந்த 1999ம் ஆண்டு திருமணம் செய்தனர். முர்டோச் வாங்கிய சொகுசுக் கப்பலில் வைத்து திருமணம் நடந்தது. இவர்கள் இருவருக்கும் கிரேஸ் மற்றும் சோல் என இரு மகள்கள் உள்லனர்.

எப்போதும் தனது கணவருடன் இருப்பவர் வென்டி. அதேசமயம், முர்டோச்சின் எந்த நிறுவனத்திலும் அவருக்குப் பங்கு கிடையாது. ஸ்டார் டிவியில் வென்டி வேலை பார்த்துக் கொண்டிருந்தபோதுதான் அவரைச் சந்தித்து காதல் கொண்டார் முர்டோச்.

English summary

News Corp chief Rupert Murdoch has filed to divorce his third wife, Wendi Deng, his media conglomerate's Wall Street Journal reported today. Murdoch's Chinese-born wife gained notoriety in 2011 when she leapt to defend her husband from a pie-wielding protester.