பாசக்கார அண்ணன் தம்பின்னா அது இவங்கதாண்டா...!

ஹராரே: அண்ணன் தம்பி என்றால் சின்னச் சின்ன செல்லச் சண்டை இல்லாமலா... ஆனால் இரண்டு சிங்கங்களிடையே நடந்த ஜாலி சண்டையை ஜிம்பாப்வே உயிரில் பூங்காவில் வைத்து ஒரு புகைப்படக்காரர் படமாக்கி வெளியிட்டுள்ளார்.

ஜிம்பாப்வேயில் உள்ள ஆன்டிலோப் பூங்காவில்தான் இந்த காமெடிச் சண்டைநடந்தது. அதைத்தான் புகைப்படக்காரர் டேவிட் ஜென்கின்ஸ் படமாக்கியுள்ளார்.

ஒரு அண்ணன், தம்பி சிங்கங்கள் போட்ட செல்லச் சண்டை டேவிட் கண்ணில் பட ஓரமாக உட்கார்ந்து கிளிக்கி எடுத்து விட்டார் டேவிட். அந்த சண்டையை நாமும் பார்ப்போமா...

சேட்டைக்கார தம்பி

அந்த பூங்காவில் இரண்டு சிங்கங்கள் விளையாடிக் கொண்டிருந்தன. இரண்டும் சகோதரர்கள். அதில் சின்ன வயது சிங்கமானது, அருகில் இருந்த பெரிய மரத்தில் ஏற முயற்சித்தது.

ஏக் தம்மில்....

தனது உடல் வலிமையைப் பொருட்படுத்தாமல், மரத்தில் ஏற முடியுமா என்று கூட யோசிக்காமல் தம்பி சிங்கமானது மரத்தைப் பற்றி கஷ்டப்பட்டு மேலே ஏறியது.

வேணாம் தம்பி வந்துரு...

இதை வேடிக்கைப் பார்த்துக் கொண்டிருந்தது அண்ணன் சிங்கம். ஆனால் நேரம் ஆக ஆக தம்பி மரத்தில் ஏறி விடுவானோ என்று டென்ஷனாகி விட்டது அண்ணனுக்கு.

வாலைப் பிடிச்சு ஒரு இழு....

இதையடுத்து வேகமாக தம்பியை நெருங்கிய அண்ணன், தம்பியின் வாலைப் பிடித்து கீழே இழுத்தது. ஆனால் அதைப் பொருட்படுத்தாமல் தொடர்ந்து மேலே ஏற முயன்றது தம்பி.

அதெப்படி தப்பிப்பே...

அதைப் பார்த்த அண்ணன், விடாமல் தானும் மரத்தின் மீது ஏறி, பின்னர் தம்பியின் பிடறியைப் பிடித்து வேகமாக இழுத்தது.

ரெண்டு பேரும் தொப்பு....

இதை சமாளிக்க முடியாத தம்பி அப்படியே அண்ணனுடன் சேர்ந்து கீழே விழுந்தது. பிறகென்ன இருவரும் சேர்ந்து மறுபடியும் விளையாட ஆரம்பித்தனர் - தரையில்தான்.

English summary

If ever it looks like we might be getting a bit above our station, we can always rely on our siblings to pull us back down to earth. And that is exactly what happened to this young showboating lion as he showed off his athletic prowess in front of his less than impressed brother. The play fighting pair were spotted by photographer David Jenkins, at the Antelope Park in Zimbabwe. As he climbs the tree, effortlessly shinning up the trunk with his powerful claws, his brother looks out across the landscape, perhaps not as eager to show off.