செல்போனில் 4 மணிநேரம் கேம்ஸ் விளையாடிய சீன பெண்ணின் செயற்கை மார்பகம் வெடித்தது

பெய்ஜிங்: சீனாவில் தொடர்ந்து 4 மணிநேரம் ஆப்பிள் ஐபோனில் கேம்ஸ் விளையாடிய பெண்ணின் செயற்கை மார்பகம் வெடித்தது.

சீன தலைநகர் பெய்ஜிங்கில் இளம்பெண் ஒருவர் படுக்கையில் குப்புற படுத்துக் கொண்டு தனது ஆப்பிள் ஐபோனில் கேம்ஸ் விளையாடி உள்ளார். அவர் அப்படியே படுத்துக் கொண்டு தொடர்ந்து 4 மணிநேரம் விளையாடி உள்ளார். 4 மணிநேரம் கழித்து தனக்கு நெஞ்சு வலிப்பதாக அவர் தெரிவித்துள்ளார்.

இதையடுத்து அவர் மருத்துவமனைக்கு அழைத்துச் செல்லப்பட்டார். அங்கு அவரை பரிசோதித்த மருத்துவர்கள் அவரது செயற்கை மார்பகம் வெடித்துவிட்டதாக தெரிவித்தனர். அவருக்கு மறுபடியும் செயற்கை மார்பகங்கள் வைக்கப்பட்டனவா என்று தெரியவில்லை.

அவருக்கு பொருத்தப்பட்ட செயற்கை மார்பகங்களின் தரம் குறைவானதாக இருந்ததாலும், அவர் பல மணிநேரம் குப்புறப்படுத்திருந்தாலும் அது வெடித்துவிட்டது என்று தெரிவிக்கப்பட்டுள்ளது.

English summary

A Chinese woman's breast implant got ruptured after she palyed video game on her Apple iPhone for four continuous hours lying on her stomach.