மிஸ்டர் மோடி முதல்ல உங்க ஸ்டேட்டோட ஸ்டேட்டஸை பாருங்க.? இது அஜய் மக்கான்

டெல்லி: மதசார்பின்மை எனும் முகமூடி போட்டுக் கொண்டு வருவதாக காங்கிரஸை மோடி சாடியது முதல் அவரை காங்கிரஸ் தலைவர்கள் தொடர்ந்தும் விமர்சித்து வருகின்றனர். மணீஷ் திவாரி, திக்விஜய்சிங்கைத் தொடர்ந்து இப்போது இணைந்திருப்பவர் அஜய் மக்கான்.

இது தொடர்பாக அஜய் மக்கான் கூறுகையில், 10 ஆண்டுகளுக்கும் மேலாக குஜராத் முதல்வராக மோடி இருந்து வருகிறார். ஆனால் அவர் விளையாட்டுத் துறைக்கு என்ன செய்துவிடார்? ஒலிம்பிக்கில் இந்திய அணியின் செயல்பாடு மேம்பாடு அடைய வேண்டும் என்கிறார் மோடி. ஆனால் குஜராத்தை சேர்ந்தவர்கள் ஒரு பதக்கத்தையும் வாங்குவதில்லை.

தேசிய விளையாட்டுப் போட்டிகளில் 1000க்கும் அதிகமான தங்கப் பதக்கங்களில் 7தான் குஜராத்துக்குக் கிடைத்தது. சண்டிகர் மாநிலம் கூட 10 தங்கப் பதக்கங்களைத் தட்டிச் சென்றது. குஜராத் மாநிலம் கல்வியின் இந்தியாவில் 14வது இடத்தில் இருக்கிறது. உள்நாட்டு சுற்றுலாவில் குஜராத் 10வது இடத்தில் இருக்கிறது. ஒட்டுமொத்த சுற்றுலா வருவாயில் குஜராத் மாநிலத்தின் பங்கு 2.5%தான். இப்படி இருக்கும் குஜராத் மாநிலத்தின் வளர்ச்சியில் மோடி அக்கறை செலுத்த வேண்டும்.

அதேபோல் மோடி விமர்சிக்கும் மதச்சார்பின்மை முகமூடியானது அம்மணமான மதவாதத்தைவிட நல்லதுதான் என்றார்.

English summary

Just days after he triggered an outrage with his 'puppy' remark, Gujarat chief minister Narendra Modi has once again come under attack from the Congress over his 'burqa of secularism' comment.