பிரதமர் பதவிக்கு ராகுல் காந்தியும், மோடியும் ஏற்றவர்கள் இல்லை: ஹஸாரே

பருகாபாத்: பிரதமர் பதவிக்கு குஜராத் முதல்வர் நரேந்திர மோடியும், காங்கிரஸ் துணை தலைவர் ராகுல் காந்தியும் ஏற்றவர்கள் இல்லை என்று சமூக ஆர்வலர் அன்னா ஹஸாரே தெரிவித்துள்ளார்.

இது குறித்து அவர் உத்தர பிரதேசத்தில் செய்தியாளர்களிடம் கூறுகையில்,

மோடியும் சரி, ராகுல் காந்தியும் சரி மதிப்புமிக்க பிரதமர் பதவிக்கு தகுதியில்லாதவர்கள். குஜராத்தில் லோக்ஆயுக்தாவை அமைக்க கடந்த 10 ஆண்டுகளாக மோடி தடைகளை ஏற்படுத்தி வந்தார். ஊழலுக்கு முற்றுப்புள்ளி வைக்க உதவும் அமைப்பு தேவையில்லை என்று அவர் நினைப்பதை தான் இது காட்டுகிறது.

ராகுலும் பிரதமர் பதவிக்கு சரியானவர் அல்ல. கட்சி அரசியலால் நாட்டில் ஊழலும், தவறான செயல்களும் தான் நடக்கிறது. ஜன் லோக்பால் மசோதாவை நிறைவேற்றக்கோரி டெல்லி ஜந்தர் மந்தரில் வரும் டிசம்பர் மாதம் இரண்டாம் கட்ட போராட்டத்தை துவங்கவிருக்கிறோம். ஏசி அறையில் உட்கார்ந்திருப்பவர்களால் வறுமையை சரியாக கணக்கிட முடியாது. ரூ.33-ஐ வைத்து ஒருவருக்கு கூட உணவளிக்க முடியாது என்றார்.

English summary

Social activist Anna Hazare today said that both Gujarat Chief Minister Narendra Modi and Congress Vice President Rahul Gandhi are "unacceptable" as prime minister as both are "not fit" to acquire the dignified post.