சேலம் அதிமுக கூட்டத்தில் மதிமுக, விடுதலைப் புலிகள் கேசட் விற்பனை

By Siva

Published: Monday, August 5, 2013, 9:43 [IST]

Subscribe to Oneindia Tamil

சேலம்: அதிமுக கூட்டத்தில் மதிமுக, விடுதலைப் புலிகள் கேசட்டுகள் விற்பனை செய்யப்பட்டதால் பரபரப்பு ஏற்பட்டது.

சேலம் புறநகர் மாவட்ட அதிமுக சார்பில் தமிழக அரசின் 2 ஆண்டு கால சாதனை விளக்கப் பொதுக் கூட்டம் ஆத்தூரில் கடந்த 30ம் தேதி நடைபெற்றது. மறுநாள் ஆத்தூர் இலக்கியப் பேரவை பட்டிமன்ற நிகழ்ச்சியை நகராட்சி அண்ணா கலையரங்கில் நடத்தியது.

இந்த நிகழ்ச்சியில் மதிமுகவில் இருந்து அதிமுகவுக்கு சென்ற நாஞ்சில் சம்பத் உரை நிகழ்த்தினார். பொதுக்கூட்டம் மற்றும் பட்டிமன்றம் நடந்த இடங்களில் ஆடியோ மற்றும் வீடியோ கேசட்டுகள் விற்பனை செய்யப்பட்டன.

நாஞ்சில் சம்பத் மதிமுகவில் இருந்தபோது பேசிய உரைகள் அடங்கிய கேசட்டுகள், மதிமுக கட்சி கொடியுடன் கூடிய கேசட்டுகள், விடுதலைப் புலிகள் தலைவர் பிரபாகரன் பற்றி விடுதலைப் புலி வீர வரலாறு, கரும்புலிகள் வீர வரலாறு, இந்திய அமைதிப் படையின் கொடுமைகள் என்று பல வகைப்பட்ட கேசட்டுகள் விற்கப்பட்டன.

இப்படி அதிமுக கூட்டத்தில் மதிமுக, விடுதலைப் புலிகள் பற்றிய கேசட்டுகள் விற்கப்பட்டது அக்கட்சியினரை அதிர்ச்சி அடைய வைத்தது.

Published On August 5, 2013