இலக்கு '272' இடங்கள்... இளைஞர்களை ஈர்க்க பாஜக புதிய இணைய தளம் அறிமுகம்!
பாரதிய ஜனதா கட்சியின் லோக்சபா தேர்தல் பிரசாரக் குழுத் தலைவராக குஜராத் முதல்வர் நரேந்திர மோடி நியமிக்கப்பட்டதைத் தொடர்ந்து அக்கட்சியினர் தகவல் தொழில்நுட்பத் துறையை முழு வீச்சாகப் பயன்படுத்தத் தொடங்கியுள்ளனர்.
சமூக வலைதளங்களை ஒரு சக்திவாய்ந்த ஊடகமாக மோடியும் கருதக் கூடியவர். இதனாலேயே தகவல் தொழில்நுட்பத்தின் மூலமாக எப்படியெல்லாம் பிரசாரம் செய்வது என்பதற்காகவே ராஜ்யசபா எம்.பியும் பாஜகவின் பொருளாளருமான பியூஸ் கோயலை நியமித்திருக்கிறார். அண்மையில் டெல்லியில் லோக்சபா தேர்தலில் 272 இடங்களைக் கைப்பற்றுவதற்காக தகவல் தொழில்நுட்பத் துறையை எப்படியெல்லாம் பயன்படுத்துவது என்பதற்கான விரிவான ஆலோசனைக் கூட்டத்தையும் பாஜக நடத்தியிருக்கிறது.
இதன் ஒரு பகுதியாக தற்போது http://www.india272.com என்ற இணையதளம் தொடங்கப்பட்டுள்ளது. இந்த இணையதளத்தில் பாஜகவின் தேர்தல் பிரசாரத்துக்கு உதவக் கூடிய தன்னார்வ தொண்டர்களுக்கு என தனிப்பக்கமும் உருவாக்கப்பட்டுள்ளது. 10 ஆயிரம் தன்னார்வ தொண்டர்களுடன் களமிறங்கும் இந்த இணையதளமானது ஆகஸ்ட் மாத இறுதிக்குள் ஒரு லட்சம் தன்னார்வ தொண்டர்களை இணைப்பது என்ற இலக்கும் நிர்ணயிக்கப்பட்டிருக்கிறது.
இதேபோல் நாளை ஹைதராபாத்தில் குஜராத் முதல்வர் நரேந்திர மோடி பங்கேற்கும் பொதுக்கூட்ட விவரங்களை முழுமையாக http://www.india272.com இணையதளத்தில் காண முடியும்.
Click it and Unblock the Notifications
Sign in with Google