ஆச்சரியம்... ஆனால், உண்மை: ஒரே காரில் பயணம் செய்த அதிமுக - திமுக எம்பிக்கள்

Updated: Tuesday, August 13, 2013, 10:13 [IST]

Subscribe to Oneindia Tamil

டெல்லி: திமுக முன்னாள் அமைச்சர் டி.ஆர்.பாலுவும், அதிமுக நாடாளுமன்ற உறுப்பினர் தம்பிதுரையும் ஒன்றாக ஒரே காரில் பயணித்த சம்பவம் டெல்லியில் நேற்று நடைபெற்றது.

தேர்தலில் இலவசங்கள் அறிவிப்பதை நெறிமுறைப்படுத்த தேர்தல் கமிஷன் அனைத்து கட்சி கூட்டத்தை நடத்தியது. தலைமை தேர்தல் ஆணையர் சம்பத் தலைமையில் நடைபெற்ற இக்கூட்டத்தில் காங்கிரஸ் சார்பில் அஜய் மக்கான், பாஜகவின் ரவிசங்கர், இந்திய கம்யூனிஸ்ட் கட்சியின் டி.ராஜா, அதிமுகவின் தம்பிதுரை, திமுகவின் டி.ஆர்.பாலு உள்ளிட்டோர் கலந்து கொண்டனர் .

கூட்டம் முடிந்த பிறகு அ.தி.மு.க. நாடாளுமன்ற குழு தலைவர், தம்பிதுரை வெளியே வந்து தனது காரில் ஏறி புறப்பட்டு சென்றார். அப்போது தி.மு.க. நாடாளுமன்ற குழுத் தலைவர் டி.ஆர்.பாலு வெளியே வந்தார். பாலுவைப் பார்த்ததும் தம்பிதுரை காரை நிறுத்திவிட்டு, அவருடன் பேசிக் கொண்டிருந்தார். சிறிது நேரம் நடைபெற்ற உரையாடலின் முடிவில், டி.ஆர்.பாலு தம்பிதுரையின் காரில் ஏறிக்கொண்டார். இரண்டு பேரும் ஒரே காரில் ஏறிச் சென்றார். இந்த சம்பவம் அங்கு கூடியிருந்த பத்திரிக்கையாளர்கள் மத்தியில் பெரும் ஆச்சர்யத்தை ஏற்படுத்தியது.