ஆம்புலன்ஸில் சோனியா.. மோடி கருத்துக்கு காங்கிரஸ் எதிர்ப்பு

டெல்லி: காங்கிரஸ் தலைவர் சோனியா காந்தியை ஆம்புலன்ஸில் வைத்து மருத்துவமனைக்கு கொண்டு சென்றிருக்கலாமே என்ற குஜராத் முதல்வர் நரேந்திர மோடியின் கருத்துக்கு காங்கிரஸ் கட்சி கடும் எதிர்ப்பு தெரிவித்துள்ளது.

நாடாளுமன்றத்தில் நேற்று முன்தினம் உணவு பாதுகாப்பு மசோதா மீதான விவாதத்தின் போது காங்கிரஸ் தலைவர் சோனியாவுக்கு திடீர் உடல்நலக் குறைவு ஏற்பட்டது. இதைத் தொடர்ந்து அவர் டெல்லி எய்ம்ஸ் மருத்துவமனைக்குக் கொண்டு செல்லப்பட்டார். அங்கு சிகிச்சை அளிக்கப்பட்ட பின்னர் நேற்று அதிகாலை அவர் வீடு திரும்பினார்.

இது தொடர்பாக ட்விட்டர் பக்கத்தில் கருத்து தெரிவித்த குஜராத் முதல்வர் நரேந்திர மோடி, சோனியாவை ஆம்புலன்ஸில் வைத்து மருத்துவமனைக்கு கொண்டு சென்றிருக்கலாம் என்றும் கூறியிருந்தார்.

இது தொடர்பாக செய்தியாளர்களிடம் பேசிய மத்திய அமைச்சர் கமல்நாத், நாம் என்ன செய்ய முயற்சித்தோம் என்பதை நரேந்திர மோடியே சுயமாக யோசித்துக் கொள்ள வேண்டும் என்று கூறி அவரது கருத்தை நிராகரித்திருக்கிறார்.

English summary

Parliamentary Affairs Minister Kamal Nath on Tuesday dismissed Gujarat Chief Minister Narendra Modi's remark that Sonia Gandhi should have been taken to hospital in a well-equipped ambulance.