கோவா டான்ஸ் பாரில் ரெய்டு: முலாயம் கட்சி எம்.எல்.ஏ. கைது, 6 பெண்கள் மீட்பு

பனாஜி: கோவாவில் உள்ள டான்ஸ் பார் ஒன்றில் சமாஜ்வாடி கட்சி எம்.எல்.ஏ. மகேந்திர சிங் உள்பட 6 பேர் கைது செய்யப்பட்டனர்.

கோவா தலைநகர் பனாஜியில் உள்ள டான்ஸ் பார் ஒன்றில் போலீசார் திடீர் என்று சோதனை நடத்தினர். அப்போது அங்கிருந்த சமாஜ்வாடி கட்சி எம்.எல்.ஏ. மகேந்திர சிங் உள்பட 6 பேர் கைது செய்யப்பட்டனர். அவர்கள் மீது விபச்சார தடுப்புச் சட்டத்தின் கீழ் வழக்குப் பதிவு செய்யப்பட்டது. மேலும் அந்த பாரில் இருந்து பஞ்சாப், டெல்லி, மும்பை, உத்தர பிரதேசம் மற்றும் சத்தீஸ்கரைச் சேர்ந்த 6 பெண்கள் மீட்கப்பட்டனர்.

சீதாபூர் தொகுதி எம்.எல்.ஏ.வான மகேந்தர் சிங்கை கைது செய்யும் முன்பு உத்தர பிரதேச சட்டசபையின் சபாநாயகருக்கு தகவல் கொடுக்கப்பட்டது என்று இன்ஸ்பெக்டர் ராஜேந்திர பிரபுதேசாய் தெரிவித்தார்.

இந்த சோதனையின்போது உத்தர பிரதேசத்தைச் சேர்ந்த அஜய் பிரகாஷ் சிங், தர்மேந்திர பிரசாத், நேபாளத்தைச் சேர்ந்த இருவர் மற்றும் பாரை நடத்தியவர்கள் ஆகியோர் கைது செய்யப்பட்டனர்.

English summary

Uttar Pradesh MLA Mahendra Singh was among the six persons arrested by the Goa police following a raid at a Panaji dance bar who have been booked under the Anti-Prostitution Act, police said.