அனல் கிளப்பும் இங்கிலாந்தின் முதல் அரவாணி மல்யுத்த வீராங்கனை!
லண்டன்: இங்கிலாந்தின் முதல் அரவாணி மல்யுத்த வீராங்கனை என்ற பெயர் பெற்றுள்ள டிரூ ஆஸ்லின் கன்னிங்காம், இங்கிலாந்தின் மல்யுத்த மேடைகளில் அனல் கிளப்பி வருகிறாராம்.
அவருடன் எதிர்த்து மோதும் ஆண் வீரர்கள் ஆஸ்லின் விடும் குத்துக்களைத் தாங்க முடியாமல் தடுமாறிப் போய் விடுகிறார்களாம்.
5 அடி 11 அங்குலம் உயரம் கொண்ட 57 கிலோ எடை கொண்ட ஆஸ்லின் மல்யுத்தத்தில் ஆண் வீரர்களால் சமாளிக்க முடியாத அளவுக்கு பலம் கொண்டவராக விளங்குகிறார்.
திருநங்கையாக
முன்பு ஹார்லி ரைடர் என்ற பெயரில் ஆணாக இருந்தவர்தான் ஆஸ்லின். பின்னர் அவர் அறுவைச் சிகிச்சை மூலம் முழுமையான திருநங்கையாக மாறினார்.
முதல் திருநங்கை
ஆஸ்லின்தான் இங்கிலாந்தின் முதல் மற்றும் ஒரே அரவாணி மல்யுத்த வீராங்கனை ஆவார். 2007ம்ஆண்டு இவர் ஆணாக இருந்து பெண்ணாகமாறியவர் ஆவார். தொடக்கத்திலிருந்தே பெண் மல்யுத்த வீராங்கனையாக திகழ வேண்டும் என்பதே இவரது லட்சியமாகும். தற்போது தனது லட்சியத்தில் இவர் வெற்றி கண்டுள்ளார்.
பல மாதப் பயிற்சிக்குப் பின்னர் தற்போது ஆண்களுடன் மோதி வெற்றி கண்டு வருகிறார்.
மேக் அப் கலைஞர்
லீட்ஸ் நகரைச் சேர்ந்தவரான ஆஸ்லின், மேக்கப் கலைஞராக இருக்கிறார். இவருக்கு 18 வயதாக இருந்தபோதுதான் பெண்மையின் பல லட்சணங்கள் இவருக்குள் இருந்தது கண்டுபிடிக்கப்பட்டதாம்.
முழுமையான பெண்ணானார்
24 வயதாகும் ஆஸ்லின், டீன் ஏஜ் வயதாக இருந்தபோது பெண் வீராங்கனைகளுடன் மோதி வந்தார். அப்போது அவர் ஆணாக இருந்தார். பெண்களுடனேயே பழகி வந்த அவர் பின்னர் தன்னை முழுமையாக பெண்ணாக கருதத் தொடங்கினார். 2007ம் ஆண்டு முழுமையான பெண்ணாகவும் மாறினார்.
மல்யுத்த வீராங்கனை
கடந்த 3 மாதங்களாக அவர் பல்வேறு மல்யுத்தப் போட்டிகளில் கலந்து கொண்டு வருகிறார். தன்னுடன்மோதுவதில் ஆண் வீரர்கள் சங்கோஜப்படுவதில்லை என்றும் நன்கு ஊக்குவிக்கிறார்கள் என்றும் பெருமையுடன் சொல்கிறார் ஆஸ்லின்.
பாசமாக இருக்கிறார்கள்
அனைவரும் தன்னிடம் பாசத்துடன் பழகுவதாகவும், அரவாணி என்று கேலி செய்வதில்லை என்றும், போட்டியின்போது உண்மையாக மோதுமாறு ஊக்குவிக்கிறார்கள் என்றும் கூறுகிறார் ஆஸ்லின்.
தனது வாழ்க்கை தான் நினைத்தபடி செல்வதாக கூறும் ஆஸ்லின், தனக்கு கிடைத்து வரும் அனுபவங்கள் குறித்தும் பெருமிதம் அடைகிறார்.
Click it and Unblock the Notifications
Sign in with Google