விஜய் ஆண்டனி பொண்ணு பாவம்.. இப்படி பேசலாமா.. விலாசி எடுத்த நடிகர் ஜனகராஜ்.. அடுக்கடுக்கான கேள்வி
சென்னை: 80ஸ்களில் ரஜினி, கமல், பிரபு, சத்யராஜ் என பல முன்னணி நடிகர்களோடு நடித்து வந்த நடிகர் ஜனகராஜ் பல வருடம் கழித்து தற்போது பேட்டி ஒன்றில் பல தகவல்களை பகிர்ந்து இருக்கிறார்.
அதே சமயத்தில் youtube சேனல் மூலமாக பலர் அவதூறு பரப்பி வருகிறார்கள். அதுவும் இல்லாததை இருப்பது போன்று சொல்லி வருகிறார்கள் என்று ஜனகராஜ் கூறியிருக்கிறார்.
அந்த வகையில் சமீபத்தில் மறைந்த இந்த நடிகர் ஆர்எஸ் சிவாஜி மற்றும் விஜய் ஆண்டனியின் மகள் குறித்து கூட சிலர் பொய்யான தகவல்கள் பரப்பி வருகிறார்கள் என்று நடிகர் ஜனகராஜ் பல்வேறு கேள்விகளை எழுப்பி இருக்கிறார்.
தற்போது இன்டர்நெட் சேவை உலகெங்கும் நாளுக்கு நாள் அதிகரித்துக் கொண்டிருக்கும் நிலையில் பலர் எளிமையாக யூடியூப் சேனல் தொடங்கி விடுகிறார்கள்.. அதை பார்ப்பதற்காக பல கோடி மக்கள் அந்த சேனல்களை பாலோ செய்து வருகின்றனர். அதனால் தற்போது வருமானமும் அவர்களுக்கு கிடைக்கின்றது.
இந்த நிலையில் ஒரு சிலர் தவறான தகவல்களை பரப்பி அதன் மூலம் தங்களுக்கு வருமானம் கிடைப்பதற்காக யாரைப் பற்றியும் கவலைப்படாமல் தவறான செயல்களில் ஈடுபட்டுக் கொண்டிருக்கின்றனர். அதில் பல பிரபலங்கள் பற்றியும் தவறான கருத்துக்களையும், சர்ச்சையான பேச்சுகளையும் பலர் பேசி வருகின்றனர். அந்த வகையில் அதனால் பாதிக்கப்பட்ட நடிகர் ஜனகராஜ் சமீபத்தில் பேட்டி ஒன்றில் பல தகவல்களை பகிர்ந்து இருக்கிறார்.
அதில் நான் என்னுடைய மகனோடு அமெரிக்காவிற்கு சென்று விட்டேன் என்றும் ஒரு சில செய்தி சேனல்களில் செய்திகள் வந்தது. அதேபோல இன்னும் சில செய்தி சேனல்களில் நான் அமெரிக்காவில் ரொம்பவே கஷ்டப்பட்டு தெருவில் யாரும் இல்லாமல் திரிந்து கொண்டிருப்பதாகவும் பரிதாப நிலையில் இருப்பதும் போன்றும் பலர் கூறி வருகிறார்கள். இது எதற்காக இப்படி செய்கிறார்கள் என்று தெரியவில்லை இதை பார்த்து நான் மன அழுத்தத்தில் இருந்தேன்.
எனக்கு ஒரே ஒரு மகன்தான் இருக்கிறார். அவரும் சென்னையில் தான் வேலை பார்த்துக் கொண்டிருக்கிறார். என்னுடைய மகன் கூட அமெரிக்கா இதுவரைக்கும் போனதில்லை. ஆனால் நான் போனேன் என்று சொல்கிறார்கள். எனக்கு விசா கூட கிடையாது. நான் இதுவரைக்கும் போனதே கிடையாது. அதுபோல சமீபத்தில் நடிகர் விஜய் ஆண்டனி மகள் குறித்து கூட தவறாக சில சேனல்களில் போட்டு வருகிறார்கள். இதுவெல்லாம் எவ்வளவு கேவலமான செயல்.
நமக்கு வருமானம் வேண்டும் என்றால் இப்படியா செய்வது. நான் விஜய் ஆண்டனி மகள் பற்றிய செய்தியை கேட்டு ரொம்பவே வருத்தமடைந்துவிட்டேன். அந்த குழந்தைக்கு என்ன தெரியும். எதையும் ஹேண்டில் பண்ற வயசு கூட இல்லை. அதோட நிலைமை இப்படி ஆயிடுச்சு ஆனால் அதையும் வைத்து சிலர் பிழைப்பு நடத்துகிறார்கள். அதுபோல என்னோட நண்பன் என்னோடு பல படங்களில் நடித்த ஆர் எஸ் சிவாஜி கூட சமீபத்தில் தான் இறந்தார். அவர் பற்றியும் சில செய்திகள் வந்து கொண்டு தான் இருக்கிறது. அதுவெல்லாம் வருத்தத்தை கொடுக்கிறது என்று அந்த பேட்டியில் நடிகர் ஜனகராஜ் தன்னுடைய வருத்தத்தை பகிர்ந்து இருக்கிறார்.
Click it and Unblock the Notifications
Sign in with Google