பாஜக தேஜஸ்வி சூர்யா திருமணம்.. தமிழக பாடகி சிவஸ்ரீ ஸ்கந்த பிரசாத்தை கரம் பிடிக்க உள்ளதாக தகவல்
பெங்களூர்: பெங்களூர் தெற்கு தொகுதி எம்பியும், பாஜக இளைஞரணி தேசிய தலைவருமான தேஜஸ்வி சூர்யாவிற்கு வரும் மார்ச் மாதம் திருமணம் நடைபெற உள்ளதாக தகவல் வெளியாகி உள்ளது. தமிழ்நாட்டைச் சேர்ந்த பிரபல கர்நாடக சங்கீத இசை பாடகி சிவஸ்ரீ ஸ்கந்தபிரசாத்தை, தேஜஸ்வி சூர்யா திருமணம் செய்கிறார் என்று தகவல்கள் வெளியாகி உள்ளன.
பெங்களூர் தெற்கு தொகுதி எம்பியும், பாஜக இளைஞரணி தேசிய தலைவருமான தேஜஸ்வி சூர்யா (34 வயது), சென்னையைச் சேர்ந்த பிரபல கர்நாடக சங்கீத இசை பாடகி சிவஸ்ரீ ஸ்கந்த பிரசாத்தை திருமணம் செய்ய உள்ளார் என்றும் இன்னும் சில மாதங்களில் பெங்களூரில் திருமண விழா நடைபெற உள்ளதாக தகவல்கள் தெரிவிக்கின்றன. ஆனால் பெங்களூரு தெற்கு எம்.பி.யான தேஜஸ்வி சூர்யா இதுபற்றி இன்னும் அதிகாரப்பூர்வ அறிவிப்பு எதுவும் வெளியிடவில்லை..
தெலுங்கு மற்றும் ஆங்கில ஊடகங்களில் வெளியாகி உள்ள செய்திகளின் படி, சென்னையைச் சேர்ந்த கர்நாடகா இசை பாடகி சிவஸ்ரீ ஸ்கந்த பிரசாத்இ செனனை சாஸ்த்ரா பல்கலைக்கழகத்தில் பயோ இன்ஜினியரிங் பட்டம் பெற்றவர் ஆவார். இவர் சென்னை பல்கலைக்கழகத்தில் பரதநாட்டியத்தில் எம்.ஏ பட்டம் பெற்றவர் ஆவார்.
பொன்னியின் செல்வன் - பாகம் 2 படத்தின் கன்னட பதிப்பில் ஒரு பாடலை சிவஸ்ரீ பாடியிருந்தார் என்று கூறப்படுகிறது. சமூக வலைதளங்களில் மிகவும் ஆக்டிவாக இருந்து வரும் சிவஸ்ரீயை யூடியூப் வலைதளத்தில் 2 லட்சத்திற்கு அதிகமானோர் பின்தொடர்கிறார்கள். முன்னதாக கடந்த 2024 ஜனவரி மாதம் கடவுள் ராமர் குறித்த பாடல் பாடியதற்காக பிரதமர் நரேந்திர மோடி சிவஸ்ரீ ஸ்கந்த பிரசாத்தை பாராட்டினார்.
அப்போது பிரதமர் மோடி வெளியிட்ட பதிவில், கன்னடத்தில் சிவஸ்ரீ ஸ்கந்தபிரசாத்தின் இந்தப் பாடலானது கடவுள் ஸ்ரீராமரின் பக்தியின் உணர்வை அழகாக எடுத்துக்காட்டுகிறது. இத்தகைய முயற்சிகள் நமது வளமான கலாச்சார பாரம்பரியத்தைப் பாதுகாப்பதில் நீண்ட தூரம் செல்கின்றன" என்று குறிப்பிட்டிருந்தார்.
தேஜஸ்வி சூர்யா, சிவஸ்ரீ ஸ்கந்தபிரசாத் திருமணம் வரும் மார்ச் மாதம் 4ம் தேதி பெங்களூரில் நடைபெறலாம் என்று சொல்கிறார்கள். தமிழக பாஜக மாநிலத் தலைவர் அண்ணாமலையும் தேஜஸ்வி சூர்யாவும் நெருங்கிய நண்பர்கள் ஆவார். தேஜஸ்வி சூர்யாவை பொறுத்தவரை திருமணம் குறித்து பலமுறை கேட்கப்பட்ட போதிலும், இது வரை எந்த கருத்தும் கூறியது இல்லை.
Click it and Unblock the Notifications
Sign in with Google