காலை 10 மணி முதல் 4 மணி வரை மின்தடை.. பெங்களூரில் இன்று முதல் 4 நாள் ‛பவர்கட்’.. உங்க ஏரியா இருக்கா?

பெங்களூர்: பெங்களூரில் பராமரிப்பு பணி மற்றும் மின்வாரிய நிலுவை பணி காரணமாக இன்று முதல் ஜுன் 12ம் தேதி வரை 4 நாட்கள் பல்வேறு இடங்களில் காலை 10 மணி முதல் மாலை 4 மணி வரை மின்தடை ஏற்பட உள்ளதாக பெஸ்காம் சார்பில் அறிவிக்கப்பட்டுள்ளது.

பெங்களூரில் ‛பெஸ்காம்’ மின்வாரியம் சார்பில் மின் விநியோகம் செய்யப்பட்டு வருகிறது. இந்நிலையில் தான் பெஸ்காம் சார்பில் பராமரிப்பு மற்றும் நிலுவையில் உள்ள பணிகளை முடிப்பதற்கான வேலைக்கு திட்டமிடப்பட்டுள்ளது.

இந்த பணிகளை பெஸ்காம் மின்வாரியம் மற்றும் கர்நாடகா மின்உற்பத்தி மற்றும் பகிர்மான கழகம் இணைந்து மேற்கொள்ள உள்ளது. இந்த பணியின் காரணமாக இன்று முதல் ஜுன் 12ம் தேதி பெங்களூர் நகரின் பல்வேறு இடங்களில் மின்தடை ஏற்படும் என அறிவிக்கப்பட்டுள்ளது அதன் விபரம் வருமாறு:

இந்நிலையில் தான் பெங்களூரில் இன்று முதல் ஜுன் 12ம் தேதி வரை மொத்தம் 4 நாட்கள் தினமும் காலை 10 மணி முதல் மாலை 4 மணி வரை பல்வேறு இடங்களின் மின்சாரம் நிறுத்தப்படும் என அறிவிக்கப்பட்டுள்ளது. இதனால் குறிப்பிட்ட இந்த நாட்களில் பொதுமக்கள் மின்சாதனங்களை முன்கூட்டியே பயன்படுத்தி பணிகளை முடித்திட வேண்டும்.

அதன்படி இன்று (ஜுன் 9) காலை 10 மணி முதல் மாலை 4 மணி வரை பெங்களூர் எடியூர், தொட்டமதுர், மனவல்லி, காஞ்சேனஹள்ளி, நாகசந்திரா, சிடி பாளையா, திப்பூர், ஹோமாவதி, சிக்கமதுர் மற்றும் அதனை சுற்றிய இடங்களில் மின்வினியோகம் இருக்காது என தெரிவிக்கப்பட்டுள்ளது.

அதேபோல் நாளை (ஜுன் 10) காலை 10 மணி முதல் மாலை 4 மணி வரை சி குப்பே, தாவரகெரே, ஹக்கி மரிபாளையா, ஹங்கிரஹள்ளி, எம்எச் பாளையா, டி பொம்மனஹள்ளி, நீலசந்திரா, பேடரஹள்ளி பகுதிகளில் மின்வினியோகம் இருக்காது என தெரிவிக்கப்பட்டுள்ளது.

என்னையவே தோற்கடிச்சிட்டீங்கல்ல.. இனி சும்மா விடமாட்டேன்.. தம்பி தோல்வியால் டிகே சிவக்குமார் சபதம்


மேலும் ஜுன் 11ம் தேதி காலை 10 மணி முதல் பிற்பகல் 3 மணி வரை ஆடுகோடி, சாலபுரியா டவர், சிக்க ஆடுகோடு, நஞ்சப்பா லே-அவுட், சிக்க லட்சுமய்யா லே-அவுட், வில்சன் கார்டன், லக்கசந்திரா, லால்ஜி நகர் பகுதியில் மின்சாரம் தடைப்பட உள்ளது.

அதன்பிறகு ஜுன் 12ம்தேதி காலை 10 மணி முதல் பிற்பகல் 3 மணி வரை ஸ்ரீநகர்,ஹொசகெரேஹள்ளி, வீரபத்ரநகர், நியூ டிம்பர்யார்டு லே-அவுட், தியாகராஜநகர், பிஎஸ்கே III ஸ்டேஜ், கத்ரிகுப்பே, கிரிநகர் 4th பேஸ், வில்சன் கார்டன், ஜேசி ரோடு, சாந்திநகர், ரிச்மண்ட் ரோடு, ரெசிடென்சி ரோடு, லால்பாக் ரோடு, சம்பங்கிராம் நகர், கேஎச் ரோடு, சுப்பையா சர்க்கிள், சுதாமநகர் உள்ளிட்ட இடங்களில் மின் விநியோகம் இருக்காது என தெரிவிக்கப்ட்டுள்ளது.

English summary

Due to the maintenance work and impending work in Bengaluru, Bescom has announced that there will be power outage at various places from today to June 12 for 4 days from 10 am to 4 pm.