ஆகஸ்ட் மாத செலவு மட்டும் ரூ.5.90 லட்சமாம்.. இந்த லிஸ்ட்டை பாருங்க.. அதிர வைத்த பெங்களூர் தம்பதி

பெங்களூர்: பெங்களூரில் வசித்து வரும் ஒரு இளம் தம்பதி தங்களின் ஆகஸ்ட் மாத செலவு மட்டும் ரூ.5.90 லட்சம் என்று வீடியோ வெளியிட்டுள்ளனர். மேலும் எதற்கெல்லாம் அவர்கள் செலவு செய்தனர் என்பது பற்றி வீடியோவில் விளக்கி உள்ளனர். இந்த வீடியோ தற்போது வலைதளங்களில் வேகமாக பரவி வரும் நிலையில் அதனை பார்க்கும் அனைவரும் பிரமித்துப்போயினர்.

நம் நாட்டில் ஏழைகள் முதல் பணக்காரர்கள் வரை உள்ளனர். அன்றாட உணவு தேவைகளை கூட பூர்த்தி செய்ய முடியாமல் ஒருதரப்பினர் வசித்து வரும் நிலையில் இன்னொரு தரப்பினர் சொகுசு வாழ்க்கை வாழ்ந்து வருகின்றனர். இது ஒவ்வொருவரின் வேலை, தொழில், பிறந்த குடும்பம் உள்ளிட்டவற்றை சார்ந்து அமைந்துள்ளது.

மேலும் ஏழை குடும்பத்தில் பிறந்தாலும் கூட நன்கு படித்து கைநிறைய சம்பளம் வாங்கி பலரும் தொடர்ந்து முன்னேறி வருகின்றனர். இருப்பினும் சிலர் தினக்கூலி வேலையை நம்பியே உள்ளனர். இன்று உழைத்தால் தான் சாப்பாடு என்று ஏராளமான மக்கள் வாழ்ந்து வருகின்றனர். இப்படியான சூழலில் தான் தற்போது சமூக வலைதளங்களில் வீடியோ ஒன்று வேகமாக பரவி வருகிறது.

அந்த வீடியோவில் இளம் ஜோடி உள்ளனர். அவர்களின் பெயர்கள் பிரக்ரிதி - ஆஷிஷ். இவர்கள் 2 பேரும் தங்களின் ஆகஸ்ட் மாத செலவை பட்டியலிட்டுள்ளனர். அந்த வீடியோவில் ஆடிப்பாடி அவர்கள் செலவு கணக்கை கூறியுள்ளனர். ஆகஸ்ட் மாதத்தில் மட்டும் ரூ.5.90 லட்சம் செலவழித்துள்ளதாக அவர்கள் கூறி உள்ளனர்.

இதுபற்றி அவர்கள் வெளியிட்ட வீடியோவில், ‛‛ நாங்கள் குடியிருக்கும் பிளாட்டின் வாடகை ரூ.42 ஆயிரம், உடற்பயிற்சிக்கு இருவரும் தனிப்பட்ட முறையில் பயிற்சியாளர் வைத்துள்ளோம். Pilates கிளாஸ் செல்கிறோம். இதற்கு ரூ.40 ஆயிரம் செலவானது. வீட்டு மளிகை பொருட்கள், உடற்பயிற்சியின்போது எடுத்து கொள்ள வேண்டிய உணவு பொருட்களுக்கு ரூ.20 ஆயிரம் செலவாகி உள்ளது.

வீட்டு வேலை, பிற பயன்பாடு, ஓடிடி சப்ஸ்கிரிப்ஷன் உள்ளிட்டவற்றுக்கு ரூ.10 ஆயிரம் செலவானது. கார், இன்சூரன்ஸ் மற்றும் அழகு நிலையம் சென்று வந்தது, பரிசுகள் வாங்கியது என்று மொத்தம் ரூ.15 ஆயிரம் செலவாகி உள்ளது. SIP-யில் ரூ.1 லட்சம் செலுத்தப்பட்டுள்ளது. 2 இன்டர்நேஷன்ல மற்றும் 2 உள்நாட்டு சுற்றுலா செல்ல முடிவு செய்துள்ளோம். இதற்கான விமான டிக்கெட் முன்பதிவுக்கு ரூ.3.50 லட்சம் செலவாகி உள்ளது. மொத்தம் ஆகஸ்ட் மாதத்தில் ரூ.5.90 லட்சம் செலவாகி உள்ளது'' என பட்டியலிட்டுள்ளனர்.

English summary

A Bengaluru based couple's video breaking down their expenses for a August month went viral. In the video, the couple revealed that their total expenses for the month amounted to Rs 5.9 lakh.