துடைத்து எறியப்படும் பாஜக.. “தெற்கு” மொத்தமா காலி.. 2024 தேர்தலுக்கு முன்பாக விழுந்த சம்மட்டி அடி!
பெங்களூர் : மத்தியில் ஆளும் பாஜக, தென்னிந்தியாவில் ஆட்சியில் இருக்கும் ஒரே மாநிலமான கர்நாடகாவையும் பறிகொடுக்கிறது. இன்று நடைபெற்று வரும் வாக்கு எண்ணிக்கையில், காங்கிரஸ் அதிக இடங்களில் முன்னிலை வகிப்பதால் பாஜக ஆட்சியை இழப்பது கிட்டத்தட்ட உறுதியாகியுள்ளது.
பாஜக தற்போது ஆட்சியில் இருக்கும் ஒரே தென் மாநிலம் கர்நாடகா தான். அதிலும் கடந்த 2018 தேர்தலில் பாஜகவால் அங்கு பெரும்பான்மை பெற முடியவில்லை. 104 சீட்களை பாஜக பிடித்த நிலையில் மெஜாரிட்டி இல்லாத காரணத்தால், மஜத - காங்கிரஸ் கூட்டணி ஆட்சி நடைபெற்று வந்தது. பின்னர், பலவித குதிரை பேர அரசியலை நடத்தி அங்கு, பாஜக ஆட்சிக்கு வந்தது. புதுச்சேரியில், என்.ஆர்.காங்கிரஸ் - பாஜக கூட்டணி ஆட்சி நடக்கிறது.
தற்போது கர்நாடாகாவில் நடைபெற்று வரும் வாக்கு எண்ணிக்கையின்படி காங்கிரஸ் அதிக இடங்களில் முன்னிலை வகிக்கிறது. தற்போதைய நிலையில் காங்கிரஸ் கட்சி 118+ இடங்களில் முன்னிலை வகிக்கிறது. இதே நிலை தொடர்ந்தால், கர்நாடகாவில் காங்கிரஸ் கட்சி தனிப்பெரும்பான்மை பெற்று ஆட்சியைப் பிடிக்கும்.
பாஜக, தாங்கள் ஆளும் ஒரே தென் மாநிலமான கர்நாடகாவிலும் ஆட்சியைப் பறிகொடுக்கும். கடந்த 2018 சட்டமன்றத் தேர்தலில் பாஜக கர்நாடகாவில் 104 சீட்களை வென்றிருந்த நிலையில், தற்போது 74 தொகுதிகளில் மட்டுமே முன்னிலை வகிக்கிறது.
கடந்த 2014ஆம் ஆண்டு மக்களவை தேர்தலில் பாஜக வென்ற பின்னர், அக்கட்சி தொடர்ந்து பல்வேறு மாநிலங்களில் ஆட்சி அமைத்து வருகிறது. மேலும், அனைத்து மாநிலங்களிலும் கட்சியை பலப்படுத்தவும் பாஜக நடவடிக்கை எடுத்து வருகிறது. பாஜக பல மாநிலங்களில் ஆட்சியைப் பிடித்தது 2019 மக்களவை தேர்தலில் பாஜக எளிதாக வெல்ல உதவியது.
இந்நிலையில், 2024ஆம் ஆண்டு நடைபெறும் நாடாளுமன்றத் தேர்தலுக்கு முன்னதாக தென் மாநிலங்களிலும் தனது பலத்தை நிறுவ பாஜக முயன்று வருகிறது. இந்நிலையில், தாங்கள் ஆட்சியில் இருக்கும் ஒரே மாநிலமான கர்நாடகாவிலும் பாஜக இன்று ஆட்சியைப் பறிகொடுக்கும் நிலை ஏற்பட்டுள்ளது.
இன்னும் ஓராண்டுக்குள் நாடாளுமன்றத் தேர்தல் நடைபெறவுள்ள நிலையில், இன்றைய கர்நாடகா தேர்தல் முடிவுகள் அதில் எதிரொலிக்கும் என எதிர்பார்க்கப்படுகிறது. அப்படியான சூழலில் பாஜகவின் இந்த தோல்வி தேசிய அளவில் பெரும் சிக்கலை பாஜகவுக்கு ஏற்படுத்தியுள்ளது.
Click it and Unblock the Notifications
Sign in with Google