ஊசலாட்டம்! என்ன வேணாலும் நடக்கும்.. வித்தியாசம் இவ்ளோதான்! புரட்டிப்போட காத்திருக்கும் 26 தொகுதிகள்!

பெங்களூர் : கர்நாடகா சட்டமன்றத் தேர்தல் வாக்கு எண்ணிக்கை பரபரப்பாக நடைபெற்று வரும் நிலையில், 26 தொகுதிகளில் வெறும் 500 வாக்குகளுக்கும் குறைவான வித்தியாசம் நீடித்து வருகிறது. இதனால், எந்த ரவுண்டிலும் முன்னிலை நிலவரம் மாறக்கூடும் எனத் தெரிகிறது.

கர்நாடகா சட்டப்பேரவைத் தேர்தலில் பதிவான வாக்குகளை எண்ணும் பணி இன்று காலை 8 மணிக்கு தொடங்கியது. மாநிலம் முழுவதும் 36 மையங்களில் வாக்கு எண்ணும் பணி நடைபெறுகிறது. 306 அறைகளில் 4,256 மேஜைகள் அமைக்கப்பட்டு வாக்குகள் எண்ணப்படுகின்றன.

தற்போதைய நிலவரப்படி மொத்தமுள்ள 224 இடங்களில் காங்கிரஸ் 119 தொகுதிகளில் முன்னிலையில் இருந்து வருகிறது. ஆளுங்கட்சியான பாஜக 72 தொகுதிகளில் முன்னிலையில் இருந்து வருகிறது. குமாரசாமி தலைமையிலான மதச்சார்பற்ற ஜனதா தளம் 25 தொகுதிகளிலும், சுயேச்சை உள்ளிட்ட மற்றவர்கள் 5 தொகுதிகளிலும் முன்னிலையில் இருந்து வருகின்றனர்.

இதில் ஒரு விஷயம் முக்கியமாக கவனிக்கப்பட வேண்டியது. அதாவது, கர்நாடகாவில் 26 தொகுதிகளில் சொற்ப வாக்குகள் வித்தியாசம் நீடித்து வருகிறது. 26 தொகுதிகளில் 500 மற்றும் அதற்கும் குறைவான வாக்கு வித்தியாசம் நீடித்து வருகிறது.

சட்டமன்றத் தேர்தலைப் பொறுத்தவரை பாதி ரவுண்டுகள் வாக்கு எண்ணிக்கை முடிந்திருக்கும் நிலையில் 500 வாக்குகள் வித்தியாசம் என்பது எந்நேரமும் மாறக்கூடிய அளவுதான். அடுத்தடுத்த சுற்றுகளில் இந்த தொகுதிகளில் நிலைமை மாறக்கூடும் எனத் தகவல் வெளியாகியுள்ளது.

சொற்ப வாக்குகள் வித்தியாசம் காணப்படும் 26 தொகுதிகளில் 12 தொகுதிகள் காங்கிரஸ் முன்னிலை வகிக்கிறது. 10 தொகுதிகளில் பாஜக முன்னிலை வகிக்கிறது. 4 தொகுதிகளில் மஜத முன்னிலை வகிக்கிறது.

சொற்ப வாக்கு வித்தியாசம் நிலவும் தொகுதிகள் :

ALAND தொகுதியில் பாஜக 223 வாக்குகள் முன்னிலை

ANEKAL தொகுதியில் பாஜக 185 வாக்குகளில் முன்னிலை

BABALESHWAR தொகுதியில் காங்கிரஸ் 554 வாக்குகளில் முன்னிலை

BELGAUM UTTAR பாஜக 343 வாக்குகளில் முன்னிலை

BELUR - காங்கிரஸ் 514 வாக்குகளில் முன்னிலை

BHATKAL - காங்கிரஸ் 262 வாக்குகளில் முன்னிலை

DEVANAGRE SOUTH - பாஜக 220 வாக்குகளில் முன்னிலை

DEVANAHALLI - காங்கிரஸ் 123 வாக்குகளில் முன்னிலை

GANDHI NAGAR - பாஜக 405 வாக்குகளில் முன்னிலை

GOKAK - காங்கிரஸ் 329 வாக்குகளில் முன்னிலை

GUBBI - மஜத 343 வாக்குகளில் முன்னிலை

GURMITKAL - மஜத 440 வாக்குகளில் முன்னிலை

HALIYAL - பாஜக 260 வாக்குகளில் முன்னிலை

HASSAN - மஜத 136 வாக்குகளில் முன்னிலை

HEBBAL - காங்கிரஸ் 272 வாக்குகளில் முன்னிலை

HOMNABAD - பாஜக 265 வாக்குகளில் முன்னிலை

JAGALUR - பாஜக 367 வாக்குகளில் முன்னிலை

KAMPLI - பாஜக 325 வாக்குகளில் முன்னிலை

MALAVALLI - காங்கிரஸ் 76 வாக்குகளில் முன்னிலை

MALUR - காங்கிரஸ் 438 வாக்குகளில் முன்னிலை

MUDIGERE - காங்கிரஸ் 96 வாக்குகளில் முன்னிலை

NAGAMANGALA - காங்கிரஸ் 323 வாக்குகளில் முன்னிலை

NARGUND - பாஜக 2 வாக்குகளில் முன்னிலை

RAICHUR - காங்கிரஸ் 268 வாக்குகளில் முன்னிலை

SINDGI - காங்கிரஸ் 422 வாக்குகளில் முன்னிலை

TUMKUR CITY - மஜத 474 வாக்குகளில் முன்னிலை.

English summary

As the counting of votes in the Karnataka assembly elections is in full swing, the difference in 26 constituencies remains less than 500 votes. Thus, it seems that the lead situation can change in any round.