தும்கூரில் மாஜி பிரதமர் தேவகவுடா 13,339 வாக்குகள் வித்தியாசத்தில் தோல்வி
Subscribe to Oneindia Tamil
பெங்களூரு: லோக்சபா தேர்தலில் மதச்சார்பற்ற ஜனதா தளத்தின் தலைவரும் முன்னாள் பிரதமருமான தேவகவுடா படுதோல்வி அடைந்துள்ளார்.
லோக்சபா தேர்தலில் மதச்சார்பற்ற ஜனதா தளம் காங்கிரஸுடன் கூட்டணி அமைத்து 8 தொகுதிகளில் போட்டியிட்டது. இன்றைய தேர்தல் முடிவுகளில் ஒரே ஒரு தொகுதியில்தான் அக்கட்சி வென்றுள்ளது.
மதச்சார்பற்ற ஜனதா தளத்தின் தலைவரான தேவகவுடா தும்கூர் தொகுதியில் போட்டியிட்டார். அவரை எதிர்த்து பாஜகவின் பசவராஜ் களமிறக்கப்பட்டார்.
இன்றைய வாக்கு எண்ணிக்கையின் தொடக்கம் முதலே பின்னடைவை சந்தித்து வந்தார் தேவ கவுடா. வாக்கு எண்ணிக்கை முடிவில் 13,339 வாக்குகள் வித்தியாசத்தில் தேவகவுடா தோல்வியைத் தழுவினார்.
Click it and Unblock the Notifications
Sign in with Google