பேரிரைச்சலுடன் பாயும் ஆகாய கங்கை.. நயாகராவை விட உயரமான ஜோக் நீர் வீழ்ச்சியின் ஆவேசத்தை பாருங்க

பெங்களூர்: கர்நாடகாவில் தென் மேற்கு பருவமழை கொட்டி தீர்த்து வருகிறது. இதனால், புகழ் பெற்ற ஜோக் நீர் வீழ்ச்சி நிரம்பி வழியும் காட்சி காண்போரை அச்சுறுத்துவதாக உள்ளது.

கர்நாடக மாநிலம் ஷிமோகா மாவட்டத்தில் அமைந்துள்ளது ஜோக் நீர் வீழ்ச்சி. இதன் உயரம் 253 மீட்டர். அதாவது, சுமார் 829 அடியாகும். அமெரிக்காவிலுள்ள புகழ் பெற்ற நயாகரா நீர் வீழ்ச்சியே 51 மீட்டர் உயரம்தான். அப்படியானால் ஜோக் நீர் வீழ்ச்சி நிரம்பி வழிந்தால் அதை பார்க்க எப்படி இருக்கும் என யோசித்து பாருங்கள்.

கன மழையால், இப்போது அதுதான் நடக்கிறது. ஓ.. என்ற இரைச்சலுடன், பெரும் வெள்ளம் நீர் வீழ்ச்சியில் பாய்வதை சிலர் ஆச்சரியமாகவும், சிலர் ரசனையோடும், பலரும் அச்சத்தோடும் பார்க்கிறார்கள்.

இயற்கையின் சக்தி எத்தகையது என்பதற்கு, ஜோக் நீர் வீழ்ச்சியின் பெரும் இரைச்சலுடன் பாயும் தண்ணீர் ஒரு சாட்சி. வீடியோவில் பார்க்கும்போதே மயிர்கூச்செரிய வைக்கும் இந்த நீர் வீழ்ச்சியை, நேரில் சென்று பார்த்தவர்கள் நெகிழ்ந்து கிடக்கிறார்கள். அவர்கள் தாங்கள் வீடியோவாக சிறைபிடித்த காட்சிகளை, சமூக வலைத்தளங்களில் வெளியிட்டுள்ளனர்.

இந்த வீடியோக்கள் வைரலாக இணையத்தில் சுற்றி வருகிறது. நமது வாசகர்களுக்கான சிறப்பு ஏற்பாடாக, இன்றைய தினம் ஜோக் நீர் வீழ்ச்சியில் தண்ணீர் எப்படி கொட்டுகிறது என்பது பற்றிய வீடியோவை வரவழைத்துள்ளோம். இதோ நீங்களும் அந்த கண்கொள்ளா காட்சியை பாருங்கள்.

English summary

Beautiful video of Jog falls going viral on internet, incessant rain accompanied by gusty winds continued to pound in several districts of Karnataka. Heavy rains battered large swathes of the state and the situation remained grim in flood-hit parts of Karnataka.