கர்நாடகா பாஜக தேர்தல் அறிக்கை- பால், சிலிண்டர், அரிசி.. இலவசங்கள் வாக்குறுதிகளை அள்ளி வீசியது!

பெங்களூர்: கர்நாடகா சட்டசபை தேர்தலை முன்னிட்டு பாஜக இன்று தமது தேர்தல் அறிக்கையை வெளியிட்டது. இந்த தேர்தல் அறிக்கையில் ஏழை குடும்பங்களுக்கு அரை லிட்டர் பால் இலவசம், 5 கிலோ அரிசி இலவசம், ஆண்டுக்கு 3 சிலிண்டர்கள் இலவசம் என இலவசங்களை வழங்குவதாக வாக்குறுதிகளை அள்ளி வீசியுள்ளது பாஜக.

கர்நாடகா பாஜக தேர்தல் அறிக்கையின் முக்கிய அம்சங்கள்:

• பாஜக ஆட்சி அமைத்தால் பொது சிவில் சட்டம் அமல்படுத்தப்படும்
• ஏழைகளுக்கு நாள்தோறும் அரை லிட்டர் பால் இலவசமாக வழங்கப்படும்
• ஆண்டுக்கு 3 சிலிண்டர்கள் இலவசமாக வழங்கப்படும்.
• உகாதி, விநாயகர் சதுர்த்தி, தீபாவளி நாட்களில் ஏழைகளுக்கு இலவச சிலிண்டர் வழங்குவோம்
• வீடுகள் இல்லாத 10 லட்சம் பேருக்கு இலவச வீட்டு மனைகள் வழங்கப்படும்
• எஸ்சி எஸ்டி பெண்களின் வங்கி கணக்கில் ரூ10,000 டெபாசிட் செலுத்தி கூடுதலாக ரூ10,000 வழங்கப்படும்
• வயதானவர்களுக்கு ஆண்டு முழுவதும் இலவச உடல்பரிசோதனை செய்ய அனுமதிக்கப்படும்
• வேலைக்கு செல்லும் பெண்கள், மாணவிகள் 30 லட்சம் பேருக்கு இலவச பஸ் பாஸ் வழங்கப்படும்
• சூரிய ஒளி பம்பு செட் அமைப்பவர்களுக்கு 80% மானியம் வழங்கப்படும்.
• அனைத்து வார்டுகளிலும் அனைத்து வசதிகளுடனுனான கிளினிக்குகள் ஏற்படுத்தப்படும்
• குறைந்த விலையிலான உணவு வழங்க அடல் உணவகங்கள் உருவாக்கப்படும்

English summary

BJP national president JP Nadda today released the manifesto for Karnataka assembly election 2023.