கர்நாடகா சட்டசபை தேர்தல்: 140 வேட்பாளர்களுடன் பாஜக முதல் பட்டியல் இன்று இரவு வெளியாகிறது?
பெங்களூர்: கர்நாடகா சட்டசபை தேர்தலில் போட்டியிடும் 140 வேட்பாளர்களுடனான முதல் பட்டியலை பாஜக இன்று அதிகாரப்பூர்வமாக அறிவிக்க உள்ளது.
224 எம்.எல்.ஏக்களைக் கொண்ட கர்நாடகா சட்டசபை தொகுதிக்கு மே 10-ந் தேதி வாக்கு பதிவு நடைபெறுகிறது; மே 13-ந் தேதி வாகு எண்ணிக்கை நடைபெற உள்ளது.
கர்நாடகா தேர்தலில் போட்டியிடும் ஜேடிஎஸ், காங்கிரஸ் வேட்பாளர்கள் அறிவிக்கப்பட்டு வருகின்றனர். காங்கிரஸ் கட்சி இதுவரை மொத்தம் 166 வேட்பாளர்களை அதிகாரபூர்வமாக அறிவித்துள்ளது.
பாஜக தரப்பில் ஒரு வேட்பாளர்கள் பட்டியல் கூட வெளியாகவில்லை. ஆனால் ஏற்கனவே போலி வேட்பாளர் பட்டியல் ஒன்று வெளியாகி பாஜகவினரை அதிர்ச்சி அடையவைத்தது.
டெல்லியில் பாஜக தலைவர் ஜேபி நட்டா, மத்திய உள்துறை அமைச்சர் அமித்ஷா உள்ளிட்டோர் தலைமையிலான குழு, கர்நாடகா பாஜக வேட்பாளர் பட்டியலை இறுதி செய்து வருகிறது.
இந்தப் பட்டியலுக்கு பிரதமர் மோடி தலைமையிலான பாஜக ஆட்சி மன்றக் குழு இன்று ஒப்புதல் வழங்க உள்ளது. இதனைத் தொடர்ந்து இன்று இரவு அல்லது நாளை காலை பாஜகவின் முதல் வேட்பாளர் பட்டியல் வெளியிடப்பட இருக்கிறது.
கர்நாடகா பாஜகவில் தலைவர்களின் வாரிசுகள் பலரும் சீட் கேட்டு முட்டி மோதுகின்றனர். ஆனால் கட்சி மேலிடமோ வாரிசுகளை ஊக்கப்படுத்துவதா? என்பதில் குழப்பத்தில் இருக்கிறது. அப்படி வாரிசுகளுக்க் சீட் தராமல் போனால் தலைவர்களே அதிகாரப்பூர்வ வேட்பாளர்களை எதிர்த்து போட்டி வேட்பாளர்களை ஆதரிக்கவும் வாய்ப்பிருக்கிறது.
ஏற்கனவே பல்வேறு கருத்து கணிப்புகளும் கர்நாடகாவில் காங்கிரஸ் மீண்டும் ஆட்சி அமைக்கும் என கூறி வருகின்றன. இன்னொரு பக்கம் தொங்கு சட்டசபைக்கு சாத்தியம் இருப்பதாகவும் கூறுகின்றன. இவற்றின் பின்னணியில் கர்நாடகா பாஜக வேட்பாளர் பட்டியல் அறிவிப்பில் குழப்பம் தொடர்ந்து கொண்டே இருக்கிறது.
Click it and Unblock the Notifications
Sign in with Google