ஜஸ்ட் 160 ஓட்டு தான்.. பெங்களூர் ஜெயநகரில் வென்ற காங்கிரஸ் வேட்பாளர்! பாஜக வைத்த ட்விஸ்ட்! ரீகவுண்ட்

பெங்களூர்: பெங்களூர் ஜெயநகர் சட்டசபை தொகுதியில் காங்கிரஸ் வேட்பாளர் சவுமியா ரெட்டி 160 ஓட்டுகள் வித்தியாசத்தில் வெற்றி பெற்றதாக அறிவிக்கப்பட்டது. இதற்கு பாஜக வேட்பாளர் சந்தேகம் தெரிவித்தது பரபரப்பை ஏற்படுத்திய நிலையில் மறு ஓட்டு எண்ணிக்கை தொடங்கி நடந்து வருகிறது.

கர்நாடகா சட்டசபை தேர்தல் ஓட்டு எண்ணிக்கை இன்று காலை 8 மணி முதல் நடந்து வருகிறது. கர்நாடகா 137 தொகுதிகளில் முன்னிலையில் உள்ளது. இதன்மூலம் பாஜகவை வீழ்த்தி காங்கிரஸ் கட்சி அரியணை ஏறுகிறது. இந்த தேர்தலில் வெறும் 64 இடங்களில் மட்டுமே முன்னிலையில் உள்ளது. ஜேடிஎஸ் 19 இடங்களிலும், மற்றவர்கள் 4 தொகுதிகளிலும் முன்னிலையில் உள்ளனர்.

இந்த தேர்தலை பொறுத்தமட்டில் பாஜக படுதோல்வியடைந்து ஆட்சியை பறிகொடுத்தாலும் கூட பெங்களூரில் உள்ள 28 சட்டசபை தொகுதிகளில் அதிக இடங்களில் முன்னிலை வகித்து வருகிறது. மொத்தம் 28 தொகுதிகள் உள்ள நிலையில் பாஜக 17 தொகுதிகளில் முன்னிலையில் உள்ளது. காங்கிரஸ் கட்சி 10 தொகுதிகளிலும், ஜேடிஎஸ் கட்சி ஒரு தொகுதியிலும் மட்டுமே முன்னிலையில் உள்ளது.

இந்நிலையில் தான் பெங்களூர் ஜெயநகர் சட்டசபை தொகுதியில் காங்கிரஸ் சார்பில் சிட்டிங் எம்எல்ஏ சவுமியா ரெட்டி மீண்டும் போட்டியிட்டார். இவர் காங்கிரஸ் மூத்த தலைவரும், பிடிஎம் லேஅவுட் எம்எல்ஏவுமான ராமலிங்க ரெட்டியின் மகள் ஆவார். ஜெயநகர் தொகுதியில் சவுமியா ரெட்டியை எதிர்த்து பாஜக சார்பில் சிகே ராமமூர்த்தி போட்டியிட்டார்.

இருவர் இடையேயும் கடும் போட்டி நிலவியது. ஒவ்வொரு சுற்று வாக்கு எண்ணிக்கையிலும் கூட இருவரும் மாறி மாறி முன்னிலை வகித்து வந்தனர். மேலும் வாக்கு வித்தியாசம் என்பது மிகவும் குறைவாகவே இருந்தது. இதனால் ஜெயநகர் தொகுதியில் யார் வெற்றி பெறுவார்கள் என்ற எதிர்பார்ப்பு ஏற்பட்டது. இறுதியில் 160 வாக்குகள் வித்தியாசத்தில் காங்கிரஸ் வேட்பாளர் சவுமியா ரெட்டி வெற்றி பெற்றதாக அறிவிக்கப்பட்டது. பாஜக வேட்பாளர் சிகே ராமமூர்த்தி 2வது இடம் பிடித்தார்.

இதனை பாஜக வேட்பாளர் சிகே ராமமூர்த்தி ஒப்புக்கொள்ளவில்லை. மறுஓட்டு எண்ணிக்கை நடத்த வேண்டும் என அவர் கோரிக்கை வைத்தார். இதையடுத்து மறு ஓட்டுப் எண்ணிக்கை நடத்த அதிகாரிகள் ஒப்புக்கொண்டனர். இதையடுத்து ஜெயநகர் தொகுதியில் மறு ஓட்டு எண்ணிக்கை விறுவிறுப்பாக நடந்து வருகிறது. இதனால் அங்கு பரபரப்பான சூழல் ஏற்பட்டுள்ளது.

English summary

Congress has won the Karnataka assembly election by a landslide. In this case, the Congress party has swept 4 of the 6 mandals there. On the contrary, BJP has won more seats than Congress in only 2 constituencies. In this case, the details of the seats won by Congress, BJP and JDS parties are as follows: