பாஜக கூட்டணிக்கு எதிர்ப்பு: கர்நாடகா குமாரசாமி ஜேடிஎஸ் உடைகிறதா? காங்கிரஸுக்கு எம்எல்ஏக்கள் தாவல்?
பெங்களூர்: பாஜகவுடன் ஜேடிஎஸ் (மதச்சார்பற்ற ஜனதா தளம்) கூட்டணி அமைத்ததை எதிர்த்து அக்கட்சி எம்.எல்.ஏ.க்கள் காங்கிரஸுக்கு தாவ இருப்பதாக வெளியானா செய்திகளை முன்னாள் முதல்வர் குமாரசாமி திட்டவட்டமாக மறுத்துள்ளார்.
கர்நாடகாவில் மதச் சார்பற்ற ஜனதா தளம், தேவ கவுடாவால் தொடங்கப்பட்டது. அவருக்கு பின் மகன் குமாரசாமி, அவருக்கு தடுத்ததாக நிகில் கவுடா என பயணப்பட்டுக் கொண்டிருக்கிறது.
2019-ம் ஆண்டு லோக்சபா தேர்தலில் காங்கிரஸுன் கூட்டணி, 2021 சட்டசபை தேர்தலில் கூட்டணி இல்லை, 2024-ல் பாஜகவுடன் கூட்டணி என மாறி மாறி அணிகள் தாவிக் கொண்டிருக்கிறது ஜேடிஎஸ். டெல்லிக்கு மகனுடன் சென்ற குமாரசாமி, பாஜக தலைமையிலான தேசிய ஜனநாயகக் கூட்டணியில் ஜேடிஎஸ் இடம்பெறுவதை உறுதி செய்திருந்தார்.
இதனிடையே பாஜக தலைமையிலான தேசிய ஜனநாயகக் கூட்டணியில் மதச்சார்பற்ற ஜனதா தளம் இடம்பெறுவதற்கு அக்கட்சியில் கடும் எதிர்ப்பு கிளம்பி இருப்பதாக காங்கிரஸ் தலைவர் தெரிவித்து வந்தனர். மேலும் சில எம்.எல்.ஏக்கள் காங்கிரஸுக்கு தாவப் போவதாகவும் அவர்கள் கூறியிருந்தனர்.
இது தொடர்பாக குமாரசாமி கூறுகையில், காங்கிரஸ் கட்சியினர்தான் இப்படி கிளப்பி விடுகின்றனர். மதச்சார்பற்ற கட்சியின் எம்.எல்.ஏக்களை வளைக்கப் பார்க்கிறது காங்கிரஸ். கடந்த 2 மாதங்களாக இதே வேலையாகத்தான் காங்கிரஸ் இருந்து வருகிறது. மதச் சார்பற்ற ஜனதா தளம் கட்சியின் ஒரு எம்.எல்.ஏ. கூட காங்கிரஸ் கட்சிக்கு போகமாட்டார்கள் என்றார்.
மேலும் லோக்சபா தேர்தலுக்குப் பின்னர் கர்நாடகாவில் ஆட்சி மாற்றம் ஏற்படும் என்கிற கருத்து பற்றி பேசிய குமாரசாமி, மகாராஷ்டிராவில் ஆட்சி மாற்றம் ஏற்படும் என யாராவது நினைத்துப் பார்த்தார்களா? தற்போதைய நிலையில் அப்படி ஒரு நிலைமையோ ஆபரேஷனோ எதுவுமே இல்லை. எங்கள் குடும்பத்தைப் பொறுத்தவரை பிரதமர் பதவி, எதிர்க்கட்சித் தலைவர் பதவி, முதல்வர் பதவி என அத்தனையையும் பார்த்துவிட்டோம். நாங்கள் பதவிக்காக அலைபவர்கள் அல்ல என்றார்.
அதேபோல, முஸ்லிம்களுக்கு 4% இடஒதுக்கீடு வழங்கியவர் தேவகவுடா. ஆனால் முஸ்லிம்கள் எங்களுக்கு திருப்பி என்ன செய்தார்கள்? காலந்தோறும் எங்களை ஒதுக்கிதான் முஸ்லிம்கள் வைத்துள்ளனர். ஆகையால் முஸ்லிம்களைப் பற்றி எங்களுக்கு கவலை எதுவும் இல்லை என்றார் குமாரசாமி.
Click it and Unblock the Notifications
Sign in with Google