"என் மனைவியை விட்டுவிடுங்கள்.." அவர் கர்ப்பிணி.. உருக்கமாக கேட்ட ஆர்சிபி வீரர்.. அதிர்ச்சி சம்பவம்!
பெங்களூர்: பெங்களூர் அணியின் தோல்வியை தொடர்ந்து அந்த அணியில் ஆடும் ஆல் ரவுண்டர் டேன் கிறிஸ்டியன் உருக்கமான கோரிக்கை ஒன்றை வைத்துள்ளார்.
நேற்று கொல்கத்தா அணிக்கு எதிரான ப்ளே ஆப் சுற்று போட்டியில் பெங்களூர் தோல்வி அடைந்து வெளியேறியது. முதலில் ஆடிய பெங்களூர் அணி 138-7 ரன்கள் எடுத்தது.
பெங்களூர் அணியின் பேட்டிங் சொதப்பியதால் அந்த அணி மிக குறைவான ரன்களே எடுத்தது. அதன்பின் ஆடிய கொல்கத்தா 19.4 ஓவரில் எளிதாக 139 ரன்கள் எடுத்து வென்றது.
மோசமான ஆட்டம்
நேற்று இந்த போட்டியில் பெங்களூர் வீரர் டேன் கிறிஸ்டியன் மிக மோசமாக ஆடினார். இந்த சீசன் முழுக்கவே அவர் சரியாக ஆடவில்லை. இரண்டாம் பாதி சீசன் முழுக்கவே ஒவ்வொரு போட்டியிலும் அதிகபட்சம் ஒரு ரன்கள் மட்டுமே எடுத்தார். அதேபோல் பவுலிங்கிலும் பெரிதாக டேன் கிறிஸ்டியன் எதுவுமே செய்யவில்லை. அவரின் ஆட்டம் ஏமாற்றம் அளிக்கும் வகையிலேயே இருந்தது.
தோல்வி
நேற்றும் கூட முக்கியமான கட்டத்தில் கொல்கத்தாவிற்கு எதிராக டேன் கிறிஸ்டியன் 8 பந்தில் 9 ரன்கள் மட்டுமே எடுத்தார். முக்கியமான நேரத்தில் இவர் டெஸ்ட் பேட்டிங் செய்தார். பெங்களூர் தோல்வி அடைய இவர் முக்கியமான காரணமாக இருந்தார். ஏனென்றால் பவுலிங்கிலும் டேன் கிறிஸ்டியன்தான் ஆட்டத்தை மாற்றினார்.
Recommended Video
நரேன்
சுனில் நரேன் பேட்டிங் இறங்கிய போது டேன் கிறிஸ்டியன் வீசிய ஓவரில் வரிசையாக மூன்று சிக்ஸ் அடித்தார். அந்த ஓவரில்தான் கொல்கத்தா அணி 75 ரன்களில் இருந்து எளிதாக 100 ரன்களை கடந்தது. அந்த ஓவரில்தான் ஆட்டமே மாறியது. இதனால் தற்போது பெங்களூரின் தோல்வியை தொடர்ந்து டேன் கிறிஸ்டியனை பலரும் கடுமையாக விமர்சனம் செய்து வருகிறார்கள்.
ட்வீட்டர்
ட்வீட்டர் உள்ளிட்ட சமூக வலைத்தளங்களில் டேன் கிறிஸ்டியனை மிக மோசமாக ஆர்சிபி ரசிகர்கள் திட்டிக்கொண்டு இருக்கிறார்கள். அவரின் இன்ஸ்டா கமெண்ட் முழுக்க ரசிகர்கள் மிக மோசமான வார்த்தைகளால் விமர்சனம் செய்துள்ளனர். அதோடு அவரின் மனைவி ஜோர்ஜியா டுன் இன்ஸ்ட்டா பக்கத்திலும் பலர் கெட்ட வார்த்தைகளால் விமர்சனங்களை வைத்து வருகிறார்கள்.
கெட்ட வார்த்தை
அவர் தற்போது கர்ப்பமாக இருக்கிறார். இதனால் அது தொடர்பான புகைப்படங்களை சந்தோசமாக வெளியிட்டு வருகிறார். ஆனால் அதிலும் கூட சென்று டேன் கிறிஸ்டியன் மனைவியை பாலியல் ரீதியாக விமர்சனம் செய்து, கெட்ட வார்த்தைகளால் சில மோசமான ரசிகர்கள் விமர்சனம் செய்து வருகிறார்கள். இதனால் டேன் கிறிஸ்டியன் தற்போது வேறு வழியின்றி இன்ஸ்டாவில் அதை ஸ்டோரியாக வைத்து ரசிகர்களுக்கு கோரிக்கை விடுத்து இருக்கிறார்.
ஸ்டோரி
என் மனைவியின் இன்ஸ்ட்டா போஸ்டில் இருக்கும் கமெண்ட்களை பாருங்கள். நான் இன்று சரியாக ஆடவில்லை. ஆனால் அதுதான் விளையாட்டு. அப்படித்தான் இருக்கும். என் மனைவியை இதற்காக நீங்கள் விமர்சிக்க வேண்டாம். அவரை விட்டுவிடுங்கள், என்று உருக்கமாக கோரிக்கை வைத்துள்ளார். நான் சரியாக ஆடவில்லை என்பதால் என் மனைவியை மோசமாக விமர்சிக்க வேண்டாம் என்று டேன் கிறிஸ்டியன் உருக்கமாக கோரிக்கை வைத்துள்ளார். அவரின் இந்த போஸ்ட் இணையத்தில் வைரலாகி வருகிறது.
Click it and Unblock the Notifications
Sign in with Google