49 தொகுதிகளில் 5,000க்கும் குறைவான வாக்குகள் வித்தியாசத்தில் வாகை சூடிய வேட்பாளர்கள்!

பெங்களூர்: கர்நாடகா சட்டசபை தேர்தலில் 49 தொகுதிகளில் 5,000க்கும் குறைவான வாக்குகள் வித்தியாசத்தில் வேட்பாளர்கள் வெற்றி வாகை சூடி இருக்கின்றனர்.

கர்நாடகா சட்டசபை தேர்தலில் 136 இடங்களைக் கைப்பற்றி காங்கிரஸ் கட்சி மீண்டும் அரியணை ஏறுகிறது. வெறும் 65 இடங்களைப் பெற்ற பாஜக ஆட்சி அதிகாரத்தை இழந்துவிட்டது.

பாஜக பெற்ற இடங்கள் எண்ணிக்கைதான் வெறும் 65. ஆனால் பாஜக தனது 36% வாக்கு வங்கியில் எந்த சேதாரமும் இல்லாமல் அப்படியே தக்க வைத்திருக்கிறது என்கின்றன புள்ளி விவரங்கள்.

இத்தேர்தலில் 49 தொகுதிகளில் வேட்பாளர்கள் 5,000க்கும் குறைவான வாக்குகளில் வென்று வாகை சூடியுள்ளனர்.

வாக்குகள் வித்தியாசத்தில் வெற்றி தொடர்பான ஒரு புள்ளி விவரப் பார்வை:

- 1,000க்கும் குறைவான வாக்கு வித்தியாசங்களில் கட்சிகள் வென்ற இடங்கள்-7/224

காங்கிரஸ் 5
பாஜக 2

- 5,000க்கும் குறைவான வாக்கு வித்தியாசங்களில் கட்சிகள் வென்ற இடங்கள் -42/224

காங்கிரஸ் 23
பாஜக 16
மதச்சார்பற்ற ஜனதா தளம் 3

- 10,000க்கும் குறைவான வாக்கு வித்தியாசங்களில் கட்சிகள் வென்ற இடங்கள் -71/224

காங்கிரஸ் 38
பாஜக 26
மதச்சார்பற்ற ஜனதா தளம் 6
கேஆர்பிபி-1

- 20,000க்கும் குறைவான வாக்கு வித்தியாசங்களில் கட்சிகள் வென்ற இடங்கள்-129/224

காங்கிரஸ் 73
பாஜக 39
மதச்சார்பற்ற ஜனதா தளம் 14
கேஆர்பிபி-1
எஸ்கேபி-1
சுயேட்சை-1

- 50,000க்கும் அதிகமான வாக்கு வித்தியாசங்களில் கட்சிகள் வென்ற இடங்கள்-16 /224

காங்கிரஸ் 12
பாஜக 6

- 1 லட்சத்துக்கும் அதிகமான வாக்கு வித்தியாசத்தில் கட்சிகள் வென்ற இடங்கள்- 1224

காங்கிரஸ்-1 (கனகபுரா டிகே சிவகுமார்)

காங். டிகே சிவகுமார் - 1,43,023
மஜத நாகராஜ்- 20631
பாஜக ஆர். அசோகா-19753

இதே தொகுதியில் 2018-ல் வாக்கு விவரம்:

காங். டிகே சிவகுமார் - 127552
மஜத நாராயண கவுடா- 47643
பாஜக நந்தினி கவுடா-6273

கனகபுரா தொகுதியில் மாநில காங்கிரஸ் கமிட்டித் தலைவர் டிகே சிவகுமாரை எதிர்த்து போட்டியிட்ட 14 வேட்பாளர்களுடமே டெபாசிட்டைப் பறிகொடுத்திருக்கின்றனர். ஆனாலும் கடந்த தேர்தலைவிட இத்தேர்தலில் பாஜக சுமார் 13,000 வாக்குகளைப் பெற்றது. மதச்சார்பற்ற ஜனதா தளம்தான் தமது 27,000 வாக்குகளை இழந்துள்ளது.

2018-ம் ஆண்டு மதச்சார்பற்ற ஜனதா தளம் பெற்ற வாக்குகளில் தற்போது இழந்த 27,000 வாக்குகள் அப்படியே ஒட்டுமொத்தமாக டிகே சிவகுமாருக்கு கொத்தாக கிடைத்திருக்கிறது.

மேலும் இத்தேர்தலில் மதச்சார்பற்ற ஜனதா தளத்தின் 5% வாக்குகள் அப்படியே காங்கிரஸுக்கு கிடைத்திருக்கிறது. அந்த 5% வாக்குகள்தான் காங்கிரஸின் இத்தகைய பிரம்மாண்ட வெற்றிக்கும் காரணமாக இருந்திருக்கிறது என்பதும் குறிப்பிடத்தக்கது.

English summary

Here are Low, High Margin winners in Karnataka Assembly Election Results 2023.