மேகதாது அணை.. கர்நாடகாவில் முதல்வர் குமாரசாமி தலைமையில் ஆலோசனை
மேகதாது திட்டம் குறித்து விவாதிக்க கர்நாடக அரசு சார்பில் பெங்களூரில் தற்போது ஆலோசனை கூட்டம் நடந்து வருகிறது.
Recommended Video

பெங்களூர்: மேகதாது திட்டம் குறித்து விவாதிக்க கர்நாடக அரசு சார்பில் பெங்களூரில் தற்போது ஆலோசனை கூட்டம் நடந்து வருகிறது.
காவிரி ஆற்றின் குறுக்கே கர்நாடக அரசு மேகதாதுவில் அணை கட்ட முடிவெடுத்து இருக்கிறது. இது பெரிய திட்டமாக போடப்பட்டுள்ளது. இது காவிரியில் கர்நாடகாவிற்கு கூடுதல் நீரை பெற்றுத்தரும்.

இதற்காக வரைவு அறிக்கையை அம்மாநில அரசு மத்திய அரசிடம் சமர்ப்பித்து இருந்தது. தற்போது மத்திய அரசு இந்த அறிக்கைக்கு ஒப்புதல் வழங்கி உள்ளது. இது தமிழகத்திற்கு இழைக்கப்பட்டு இருக்கும் பச்சை துரோகம் ஆகும்.
நேற்று தமிழக அரசு, மேகதாது விவகாரத்தில் நீதிமன்ற அவமதிப்பு வழக்கு தொடர்ந்துள்ளது. உச்ச நீதிமன்ற இறுதி தீர்ப்பை மீறி கர்நாடக அரசு செயல்பட்டு இருப்பதாக தமிழக அரசு வழக்கு தொடுத்து இருக்கிறது. அதேபோல் இது தொடர்பாக இன்று தமிழக சட்டசபை கூட உள்ளது.
இதில் இந்த பிரச்சனை தொடர்பாக சிறப்பு தீர்மானம் நிறைவேற்றப்பட இருக்கிறது. இதற்கு மத்தியில் கர்நாடகாவிலும் இது தொடர்பாக தற்போது ஆலோசனை கூட்டம் நடக்கிறது.
கர்நாடக அரசு சார்பில் முதல்வர் குமாரசாமி தலைமையில் பெங்களூரில் இந்த ஆலோசனை கூட்டம் நடந்து வருகிறது. இதில் கர்நாடக மாநில அமைச்சர், முன்னாள் அமைச்சர்கள், முன்னாள் முதல்வர்கள் கலந்து கொண்டு இருக்கிறார்கள். தமிழக அரசின் வழக்கை எப்படி எதிர்கொள்வது என்று இதில் விவாதிக்க உள்ளனர். கூட்டத்திற்கு பின் முக்கிய அறிவிப்புகள் வெளியாக வாய்ப்புள்ளது.












Click it and Unblock the Notifications