ஜூன் மாதம் ஜிஎஸ்டி வரி வசூல் ரூ. 95,610 கோடி - ஹஸ்முக் ஆதியா

ஜூன் மாதம் ஜிஎஸ்டி வரி வருவாய் 95,610 கோடி ரூபாயாக உள்ளதாக மத்திய நிதித்துறை செயலர் ஹஸ்முக் ஆதியா கூறியுள்ளார்.

Updated: Monday, July 2, 2018, 8:57 [IST]

Subscribe to Oneindia Tamil

டெல்லி: ஜூன் மாதத்தில் சரக்கு மற்றும் சேவை வரி மூலம் ரூ.95,610 கோடி வருவாய் கிடைத்துள்ளதாக மத்திய நிதித்துறை செயலர் தகவல் தெரிவித்தார்.

பல முனை வரிகளான வாட் வரி, கலால் வரி, சுங்க வரி, நுழைவு வரி (Entry Tax) பொழுது போக்கு வரி என பலதரப்பட்ட வரி முறைகளாக இருந்த வரி விவிதிப்பு முறையை முற்றிலும் ஒழித்துவிட்டு, அதற்கு மாற்றாக ஒரே தேசம் ஒரே வரி (One Nation One Tax) என்ற முழக்கத்துடன் கடந்த ஆண்டு ஜூலை மாதம் சரக்கு மற்றும் சேவை வரி என்னும் ஜிஎஸ்டி வரி விதிப்பு முறை அமல்படுத்தப்பட்டது.

Government collects Rs 95,610 crore GST in June

நாடு முழுவதும் ஒரே விதமான வரி விதிப்பை அமல் செய்யும் இந்த திட்டத்திற்கு பலத்த ஆதரவும், எதிர்ப்பும் ஒரு சேர எழுந்தது. இந்த சட்டம் அமல்படுத்தபட்டது முதல், நாடு முழுவதும் இருந்த 12க்கும் அதிகமான வரி விதிப்பு சட்டங்கள் முடிவுக்கு வந்தன.

சரக்கு மற்றும் சேவை வரி அறிமுகப்படுத்தப்பட்டதிலிருந்து ஒவ்வொரு மாதமும் வசூலான தொகை எவ்வளவு என்பதை வரித்துறையினர் வெளியிட்டு வருகின்றனர். அதன்படி கடந்த ஜூன் மாதத்தில் சரக்கு மற்றும் சேவை வரி மூலம் ரூ.95,610 கோடி வருவாய் கிடைத்துள்ளதாக மத்திய நிதித்துறை செயலர் தகவல் தெரிவித்தார்.

ஜிஎஸ்டி கூட்டங்கள் மூலம் மாநில அரசுகளின் கோரிக்கைக்கு ஏற்ப பல பொருட்கள் மீதான ஜி.எஸ்.டி வரி குறைக்கப்பட்டது. டெல்லியில் நடைபெறும் ஜி.எஸ்.டி முதலாம் ஆண்டு நிறைவு விழாவில் மத்திய நிதித்துறை செயலர் ஹஸ்முக் ஆதியா பேசினார். ஒவ்வொரு மாதமும் ஜிஎஸ்டி வசூலை 1 லட்சம் ரூபாயாக அதிகரிக்க இலக்கு நிர்ணயிக்கப்பட்டுள்ளது. கடந்த நிதியாண்டில் ஜிஎஸ்டி வருமானத்தின் சராசரி 89,885 கோடி ரூபாயாக இருந்தது. போலி பில்கள் பயன்படுத்துவது தவிர்க்கப்பட்டால், வருமானம் அதிகரிக்கும். அதிகாரிகள், வணிகர்கள் ஆகியோரது உழைப்பே ஜிஎஸ்டி வெற்றி பெற காரணம் என ஹஸ்முக் ஆதியா கூறினார்.

நடப்பு 2018-19ம் நிதியாண்டில் ஏப்ரல் 1ம் தேதியில் இருந்தே மாநிலங்களுக்கு இடையேயான சரக்கு போக்குவரத்திற்கு உதவும் இ-வே பில் என்னும் இணையவழி ரசீது பயன்பாடு அமல்படுத்தப்பட்டதாலும் ஏப்ரல் மாதத்திய ஜிஎஸ்டி வரி வசூல் 1,03,458 கோடி ரூபாயை தொட்டு சாதனை படைத்தது. கடந்த நிதி ஆண்டில் சராசரியாக மாதத்துக்கு ரூ.90,000 கோடியாக வந்திருந்த நிலையில் மே மாத வசூல் ரூ.94,016 கோடியாக இருந்தது குறிப்பிடத்தக்கது.