"2026ல் இதை செய்தால் கோடிகள் கொட்டும்! ஆனால்.." பெரிய வார்னிங் கொடுத்த Rich Dad Poor Dad எழுத்தாளர்

Updated: Friday, January 2, 2026, 10:10 [IST]

Subscribe to Oneindia Tamil

சென்னை: ரிச் டாட் புவர் டாட் எழுத்தாளரும் முதலீட்டாளருமான ராபர்ட் கியோசாகி, பணத்தைச் சேமிக்க உள்ள வழிகள் குறித்து விளக்கியுள்ளார். 2026 பணத்தைச் சேமிக்க மிகச் சிறந்த ஆண்டாக இருக்கும் எனக் குறிப்பிட்டுள்ள அவர், இதைச் சரியாகப் பயன்படுத்திக் கொண்டால் செல்வத்தைக் குவிக்க முடியும் என்றும் தவறாகப் பயன்படுத்திக் கொண்டால் ஒருவர் ஏழையாவார் என்றும் அவர் பதிவிட்டுள்ளார்.

உலகளவில் அதிகளவில் விற்பனையான பொருளாதாரம் மற்றும் சேமிப்பு சார்ந்த புத்தகங்களில் ஒன்று 'ரிச் டாட் புவர் டாட்'.. ஒருவர் முதலீடு மூலம் எப்படி செல்வத்தைச் சேர்க்க முடியும் என்பதை அதில் எழுத்தாளர் ராபர்ட் கியோசாகி விளக்கியிருப்பார். இது தமிழ் உட்பட பல மொழிகளில் மொழியாக்கம் செய்யப்பட்டு, அதிகளவில் விற்பனையான புத்தகங்களில் ஒன்றாக இருக்கிறது.

Rich Dad Poor Dad Author Robert Kiyosaki assures that 2026 Will Be Best Chance to Build Wealth

ரிச் டாட் புவர் டாட் எழுத்தாளர்

இந்த ராபர்ட் கியோசாகி அமெரிக்காவில் மிகப் பெரிய முதலீட்டாளராகவும் இருக்கிறார். இதற்கிடையே கியோசாகி, 2026ல் செல்வம் சேர்க்க இருக்கும் வழிகள் குறித்து விளக்கியுள்ளார். இது தொடர்பாக அவர் தனது சமூக வலைத்தளப் பக்கத்தில் விளக்கமாக ஒரு போஸ்ட்டை பதிவிட்டுள்ளார். அதில் செல்வத்தைச் சேர்க்க மிகச் சிறந்த ஆண்டாக 2026 இருக்கும் என்றும் வாழ்நாளில் இதுபோன்ற வாய்ப்பு மீண்டும் கிடைக்காது என்றும் பதிவிட்டுள்ளார்.

தங்கம், வெள்ளி, பிட்காயின், ரியல் எஸ்டேட் மற்றும் வருவாய் ஈட்டும் தொழில்கள் ஆகியவற்றில் முதலீடு செய்தவர்களே இந்தாண்டு வெற்றியாளர்களாக வெளிப்படுவார்கள் என்று கியோசாகி தெரிவித்தார். மறுபுறம் பணத்தை ரொக்கமாகச் சேமிப்பவர்கள், மாதச் சம்பளத்தை மட்டுமே நம்பி இருப்பவர்கள், விலைகள் குறையும் என எதிர்பார்த்துக் காத்திருப்போர், ஓய்வூதியத் திட்டங்களை நம்பியிருப்பவர்கள் ஆகியோர் பாதுகாப்பாக உணர்ந்தாலும் கூட அவர்கள் ஏழைகளாக மாறுவார்கள் என்று அவர் எச்சரித்தார்.

சிறப்பான வாய்ப்பு

கியோசாகி தனது பதிவில் மேலும், "2026 வெறும் நெருக்கடியாக மட்டுமே இருக்கும் எனச் சொல்லிவிட முடியாது. அது நமது வாழ்நாளின் மிக சிறந்த நிதி வாய்ப்பாக இருக்கும். பெரும்பாலானோர் 'மாற்றம்' என்ற வார்த்தையைக் கேட்டாலேயே ஆபத்து என எண்ணுகிறார்கள். நான் அதை வாய்ப்பாகவே பார்க்கிறேன்..

கடன் சுமையில் சிக்கியுள்ள உலக நாடுகள், எதிலும் குறியிடாமல் வட்டி விகிதங்களை உயர்த்த முடியாத மத்திய வங்கிகள் மற்றும் பணம் அச்சிடுவது நின்றுபோனால் சரிந்துவிடக்கூடிய ஒரு சிஸ்டம் ஆகியவை இருப்பதால் முக்கியமாகக் கவனிக்க வேண்டியதாக 2026 இருக்கும்.. இவர்கள் எப்போதும் ஒரே விஷயத்தை தான் செய்வார்கள்.. பணத்தை அதிகளவில் அச்சிடுவார்கள்.. இதனால் பணத்தின் மதிப்பு குறைந்து பணவீக்கம் ஏற்படும். இதுபோல பணத்தின் மதிப்பு குறையும்போது ஒருவர் அதிகம் இழக்கிறார்கள். மற்றொருவர் லாபம் பார்க்கிறார்கள்.

கைமாறும் பணம்

அதாவது பணத்தைச் சேமிப்பவர்களிடம் இருந்து முதலீடு செய்வோருக்குப் பணம் செல்கிறது. ஊழியர்களிடமிருந்து உரிமையாளர்களுக்கும்.. ஒரு சிஸ்டத்தை நம்புபவர்களிடமிருந்து புரிந்து கொண்டவர்களுக்கும் செல்வம் செல்கிறது. இந்தச் சூழல் ஒருவருக்கு இரண்டு வாய்ப்பைத் தரும். இதைச் சரியாகப் பயன்படுத்திக் கொண்டால் செல்வத்தைக் குவிக்கலாம்.. அதேநேரம் முறையாகப் பயன்படுத்தவில்லை என்றால் ஏழை ஆவீர்கள்.

சூதாட்டத்திற்குச் சமம்

இன்னொரு விஷயத்தையும் நான் இங்குக் குறிப்பிட விரும்புகிறேன். அதாவது கல்வி இல்லாமல் சொத்துகளை வாங்குவது சூதாட்டத்திற்குச் சமம். பணம் எங்கிருந்து எங்கே நகர்கிறது.. பயம் எப்படி ஒருவருக்குச் சாதகமாக வேலை செய்யும். கடனை எப்படிச் சாதகமாகப் பயன்படுத்தலாம்.. வரிகள் எப்படி உரிமையாளர்களுக்கு லாபமாக அமைகிறது.. எந்தவொரு சந்தையிலும் வருவாயை எப்படி உருவாக்குவது என்பதைப் புரிந்துகொள்வதில்தான் உண்மையான நன்மை உள்ளது" என்று அவர் தனது போஸ்டில் குறிப்பிட்டுள்ளார்.

அதேநேரம் கியோசாகியின் பதிவுகள் கடந்த காலங்களில் பல்வேறு விமர்சனங்களுக்கு உள்ளாகி உள்ளது. பிட்காயின், ரியல் எஸ்டேட் உள்ளிட்ட முதலீடுகளில் அவருடைய கருத்துகள் விவாதத்தைக் கிளப்புவதாகவே இருந்துள்ளது குறிப்பிடத்தக்கது.

இது ஒரு செய்தி மட்டுமே. இதை நிச்சயமாக முதலீட்டு ஆலோசனையாக எடுத்துக் கொள்ளக் கூடாது. முதலீடு சார்ந்த முடிவுகளை எடுக்கும் முன்பு உங்கள் பொருளாதார ஆலோசகரிடம் உரிய ஆலோசனை கேட்ட பிறகு உங்களுக்கு ஏற்ற முடிவை எடுக்க வேண்டும்.