ஹரியானா சட்டசபை தேர்தல்: பாஜக 83; காங்-க்கு 3 இடங்கள்: ஏபிபி-சி வோட்டர் கருத்து கணிப்பு

சண்டிகர்: ஹரியானா சட்டசபை தேர்தலில் பாஜக 83 இடங்களைக் கைப்பற்றி ஆட்சியை தக்க வைக்கும் என்கிறது ஏபிபி சி வோட்டர் கருத்து கணிப்பு.

ஹரியானாவின் 90 சட்டசபை தொகுதிகளுக்கான தேர்தல் வரும் 21-ல் நடைபெறுகிறது. இத்தேர்தல் களத்தில் பாஜக விஸ்வரூபம் எடுத்து நிற்கிறது.

எதிர்க்கட்சிகளான காங்கிரஸ், இந்திய தேசிய லோக் தள் ஆகியவை சிதறி நிற்கின்றன. இதனால் மீண்டும் பாஜகதான் ஆட்சியை அமைக்கும் என கூறப்பட்டு வந்தது.

இந்நிலையில் ஹரியானா தேர்தல் முடிவுகள் எப்படி இருக்கும் என்பது குறித்து ஏபிபி டிவி சேனல்- சி வோட்டர் இணைந்து கருத்து கணிப்பை நடத்தின. இதில் பாஜகதான் மீண்டும் ஆட்சி அமைக்கும் என தெரிவிக்கப்பட்டுள்ளது.

ஹரியானாவில் மொத்தம் உள்ள 90 இடங்களில் பாஜக 83 இடங்களைக் கைப்பற்றி அமோக வெற்றியை பெறுமாம். காங்கிரஸுக்கு வெறும் 3 இடங்கள்தான் கிடைக்குமாம். எஞ்சிய கட்சிகளுக்கு 4 தொகுதிகள் கிடைக்கலாம் என்கிறது இக்கருத்து கணிப்பு

English summary

According to the ABP- C voters Survey BJP Will get 83 seats in Haryana.