சென்னை - டெல்லி விமானங்கள் திடீர் ரத்து! முன்கூட்டியே அறிவிக்கவில்லை என பயணிகள் புகார்!
சென்னை: சென்னை - டெல்லி இடையேயான 16 விமானங்கள் ரத்து செய்யப்பட்டுள்ளன. டெல்லியில் பெய்த பலத்த மழை காரணமாக சென்னை டெல்லி இடையே 16 விமான சேவை திடீரென ரத்து செய்யப்பட்டுள்ளது.
டெல்லியில் கனமழை கொட்டித் தீர்த்தது. கடந்த வியாழக்கிழமை காலை 8.30 மணி முதல் வெள்ளிக்கிழமை காலை 8.30 மணி வரை டெல்லியில் 228 மில்லி மீட்டர் மழை பெய்துள்ளதாக வானிலை ஆய்வு மையம் தெரிவித்துள்ளது.
1936 ஆம் ஆண்டு் ஜூன் மாதத்தில் 235.5 மில்லிமீட்டர் மழை பெய்ததே இதுவரை அதிகபட்ச மழை அளவாக உள்ளது. அதற்குப் பிறகு நேற்று முன்தினம் பெய்த மழையே அதிகளவு மழையாக பதிவாகியுள்ளது. பலத்த மழையால் டெல்லி நகரின் பெரும்பாலான பகுதிகளில் மழைநீர் தேங்கியது.
டெல்லியில் பெய்த பலத்த மழை காரணமாக விமான நிலையத்தின் மேற்கூரை சரிந்து விபத்துக்குள்ளானது. பலத்த மழை மற்றும் விமான நிலைய மேற்கூரை இடிந்து விழுந்த விபத்து காரணமாக சென்னை டெல்லி இடையே 16 விமானங்கள் ரத்து செய்யப்பட்டது.
விமான சேவை ரத்து செய்யப்பட்டது தொடர்பாக முன்கூட்டியே முறையான அறிவிப்பு வழங்கவில்லை என பயணிகள் புகார் தெரிவித்துள்ளனர்.
Click it and Unblock the Notifications
Sign in with Google