• search
சென்னை அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

டீல் முடிஞ்சது?.. 2 சீட் தானாமே.. திமுக கூட்டணிக்கு புதுஸ்ஸா வரப்போகும் பிரபலம்.. ரேஸில் 2 லீடர்கள்

மநீம, பாமக திமுகவுடன் கூட்டணி வைக்க நிறையவே வாய்ப்புள்ளதாக கூறப்படுகிறது
Google Oneindia Tamil News

சென்னை: திமுக கூட்டணி தற்போது வலுவாக உள்ள நிலையில், அதை மேலும் வலுப்படுத்தும் வியூகங்கள் துவங்கி உள்ளதாக கூறப்படுகிறது.. என்ன காரணம்?

எம்பி தேர்தலுக்கு தமிழக கட்சிகள் தயாராகிவிட்டன.. இதில் முதல் ஆளாக, 6 மாதத்துக்கு முன்னாடியே களமிறங்கிவிட்டது தமிழக பாஜக..

இந்நிலையில், கடந்த வாரம் திமுக மாவட்ட செயலாளர்கள் கூட்டத்தில் முதல்வர் ஸ்டாலின் பேசிய பேச்சு, அதிமுகவை மட்டுமல்ல, பாஜகவையும் சேர்த்தே அதிர வைத்துள்ளது.

யாரும்மா அங்க.. உள்ளே வாங்க.. தயங்கி தயங்கி நின்ற மூதாட்டி! தாராளம் காட்டிய திமுக எம்.எல்.ஏ.! யாரும்மா அங்க.. உள்ளே வாங்க.. தயங்கி தயங்கி நின்ற மூதாட்டி! தாராளம் காட்டிய திமுக எம்.எல்.ஏ.!

 40+ தொகுதிகள்

40+ தொகுதிகள்

முதல்வர் பேசும்போது, "கடந்த மக்களவைத் தேர்தலில் ஒரு தொகுதியை இழந்துவிட்டோம். இந்த முறை 40 தொகுதிகளையும் வெல்ல வேண்டும். அதற்கான கட்டமைப்பை உருவாக்குங்கள். வலுவான கூட்டணியுடன்தான் நாம் போட்டியிடுவோம். கூட்டணி தொடர்பாக, தேர்தல் நேரத்தில் நான் பார்த்துக் கொள்கிறேன். நீங்கள் அடிப்படைப் பணிகளை மேற்கொள்ளுங்கள்" என்று கூறியிருந்தார். அதாவது, வலுவான கூட்டணியுடன்தான் போட்டியிடுவோம் என்றால், இப்போதுள்ள கூட்டணியில் மேலும் சில கட்சிகளை இணைக்கலாம் என்பதே அதன் அர்த்தமாக இருக்கும் என்கிறார்கள்..

 அன்புமணி

அன்புமணி

அந்தவகையில், கடந்த சில தினங்களாகவே, பாமக, மநீம என்ற இரு கட்சிகளின் பெயர்களும் கூட்டணி தொடர்பாக அடிபட்டு வருகின்றன.. இதில், பாமகவை பொறுத்தவரை, திமுகவுடன் கூட்டணி வைக்க ஆர்வம் காட்டுவதாகவே தெரிகிறது... ஆனாலும், கூட்டணி தொடர்பாக எதையும் இதுவரை வாய்திறக்காமல் உள்ளார். 2026ல் பாமக தலைமையிலான ஆட்சி அமைப்போம், அதற்கான வியூகத்தை 2024 நாடாளுமன்றத் தேர்தலின்போது செயல்படுத்துவோம் என்று பாமக தலைவர் அன்புமணி சொல்லி வருகிறார் என்பதால், திமுக, அதிமுக கூட்டணியில் பாமக இடம் பெற வாய்ப்பில்லையோ என்ற சந்தேகத்தையும் களத்தில் கிளப்பி விட்டுள்ளார் அன்புமணி.

 டைம் ஓவர்?

டைம் ஓவர்?

தேர்தலுக்கு இன்னும் டைம் இருக்கிறது என்றாலும், திமுக அல்லது அதிமுகவுடன் இணைந்தே தேர்தலை சந்திக்க வேண்டிய கட்டாயம் பாமகவுக்கு உள்ளது.. இதில், திமுகவுடன் கூட்டணி வைக்கவே ஆர்வம் காட்டி வருவதாக தெரிகிறது.. ஆனால், திமுகவிடம் இருந்து எந்தவித சிக்னலும் இதுவரை பாமகவுக்கு கிடைக்கவில்லை.. ஒருவேளை விசிக கூட்டணியில் இருப்பதால், திமுக தயங்குகிறதா? என தெரியவில்லை. சில தினங்களுக்கு முன்பு நம் ஒன் இந்தியா சேனலுக்கு விசிகவின் ஷாநவாஸ் ஒரு பேட்டி தந்திருந்தார்.. அதில் திமுக கூட்டணியில் பாமக உள்ளே வருவதை பற்றின கேள்வியை முன்வைத்தோம்..

 ஷாநவாஸ்

ஷாநவாஸ்

அதற்கு ஷாநவாஸ், "பாமக வந்தால் திமுக கூட்டணியில் இருக்க மாட்டோம்... பாமக வந்தால் நாங்கள் கூட்டணியில் இருக்க மாட்டோம் என்று சொல்வது விசிகதான்.. பாமக எங்காவது அப்படி சொல்லி இருக்கா? நாங்கள் உள்ளே வந்தால் விசிக வெளியே போக வேண்டும் என்று பாமக சொல்லவில்லை.. பாமக கூட்டணிக்குள் வந்தால், விசிகவை வெளியே தள்ளிவிடுவோம் என்று திமுகவும் சொல்லவில்லை. விசிகவுக்கு, பாமகவும், திமுகவும் எந்தவிதமான நெருக்கடியையும் தரவில்லை.. கூட்டணியில் இருப்பதா, வேண்டாமா என முடிவு செய்து விசிகதான்.. உண்மையை சொல்லப்போனால், பாமக கூட்டணிக்குள் வருவதை திமுகவே திரும்பவில்லை.. திமுக விரும்பியிருந்தால், 2019 தேர்தலிலேயே அந்த கூட்டணியை வைத்திருக்குமே? 2021-லேயே அந்த கூட்டணி வந்திருக்குமே?" என்று ஓபனாகவே கூறியிருந்தார்.

 விஜயகாந்த்

விஜயகாந்த்

"பாமக உள்ளே வந்தால் வெளியேறிவிடுவோம்" என்று விசிக சொல்லி உள்ளது, திமுகவுக்கு தந்த மெசேஜ் ஆகவும் இங்கு பார்க்கப்படுகிறது.. பாமக + தேமுதிகவுக்கு நேரெதிர் கட்சிகளாக இருந்தாலும், கடந்த முறை அதிமுக கூட்டணியில் இந்த இரு கட்சிகளுமே இணைந்து செயல்பட்டன.. அதுபோல, திமுக கூட்டணியில் விசிக, பாமக கட்சிகளை இணைக்க திமுக மேலிடம் முயற்சி மேற்கொள்ளுமா என்று தெரியவில்லை.

 ரூபங்கள்

ரூபங்கள்

அதேசமயம் இன்னொன்றையும் இங்கு நாம் சுட்டிக்காட்ட வேண்டி உள்ளது.. கடந்த ஒரு வருடகாலமாகவே, விசிகவை, எந்த ரூபத்திலும் பாமக விமர்சிக்கவில்லை... அவர்களின் பேச்சுக்கே போகவில்லை.. எந்தவித குற்றச்சாட்டையும் முன்வைக்கவில்லை.. இரு தரப்பிலுமே வன்முறை சம்பவங்களோ, புகார்களோ கிளம்பவில்லை.. அன்புமணி தன்னுடைய பேட்டிகளில் திமுக, அதிமுக அரசுகளை குற்றஞ்சாட்டி பேசி வருகிறாரே தவிர, விசிகவை பற்றி பேசியதே கிடையாது.. பாமக தரப்பில் யாரும் விசிகவை சீண்டவேயில்லை..

வியூகங்கள்

வியூகங்கள்

ஆனால், 10 வருடத்துக்கு முன்பு இப்படி ஒரு "சாந்த" நிலைமை தமிழகத்தில் நிலவவில்லை.. அவதூறுகளும், விமர்சனங்களும், இரு கட்சிகளிலும் மாறி மாறி வீசப்பட்டதை இந்த தமிழகம் அறியும்.. இப்போது பாமகவின் போக்கில் மாற்றம் தென்பட்டுள்ள நிலையில், அவர்கள் திமுகவை மட்டுமல்ல, விசிகவையும் நோக்கியும் நகர்வதாகவே தெரிகிறது. எனினும், பாஜகவுக்கு எதிராக, தேசிய அளவில் மெகா கூட்டணியை அமைக்க முதல்வர் ஸ்டாலின் வியூகம் வகுத்து வரும் நிலையில், அதற்கு பாமகவின் தயவும் தேவையாக இருக்கக்கூடும் என்று தெரிகிறது.

 கால்குலேஷன் 1

கால்குலேஷன் 1

இதில் மநீம பொறுத்தவரை, இந்த முறை தேர்தலில் தங்களை நிலைநாட்டிக் கொள்ள வேண்டும் என்ற கட்டாயமும், தங்களின் எதிர்கால அரசியலை தீர்மானிக்க வேண்டிய நெருக்கடியும் ஏற்பட்டுள்ளது.. அதனால்தான், தனித்து போட்டியிடுவோம் என்று துணிந்து சொல்ல முடியாத நிலைமை மய்யத்துக்கு சூழ்ந்துள்ளது.. இன்னொரு காரணமும் உள்ளது.. அன்று மய்யத்தை தாங்கி பிடித்த பல தூண்கள் இன்று பிரிந்து சென்றுவிட்டார்கள்.. தேர்தல்களில் அடுத்தடுத்த தோல்விகளில் தொண்டர்களும் சோர்ந்து உள்ளனர்.. அதனால், கூட்டணி என்ற விஷயத்தை தவிர்க்க முடியாத நிலைமை, கமலுக்கு ஏற்பட்டுள்ளது.

 கால்குலேஷன் 2

கால்குலேஷன் 2

கூட்டணி தொடர்பாக சில விஷயங்கள் அவ்வப்போது மீடியாக்களில் வெளிவந்தாலும், இப்போது மேலும் சில விஷயங்கள் கசிந்து வருகின்றன.. முதலாவதாக, மநீம எப்படியாவது திமுக கூட்டணிக்கு கொண்டு வந்துவிட வேண்டும் என்ற அசைன்மெண்ட் உதயநிதியிடம் தரப்பட்டுள்ளதாக தெரிகிறது.. காரணம், கமலுக்கு இருக்கு இரண்டரை சதம் வாக்குவீதத்தை இழக்கக்கூடாது என்று திமுக நினைப்பதாக தெரிகிறது..

 டீல் A

டீல் A

ஆனால், மய்யத்தில் 10 தொதிக்கு மேல் தர வேண்டும் என்று பேச்சை துவங்குகிறார்களாம்.. அதற்கு ஒப்புக்கொள்ளாவிட்டால், குறைந்தது 5 தொகுதிகளையாவது பெற்று வட வேண்டும் என்று மநீம உறுதியாக இருப்பதாக தெரிகிறது.. ஆனால், திமுகவின் கணக்கு வேறு மாதிரியாக இருக்கிறது போலும்.. ஒரு லோக்சபா தொகுதி + ஒரு ராஜ்ய சபா சீட் தருவதாக திமுக தரப்பில் மய்யத்துக்கு உறுதி தரப்பட்டதாம்.. அதாவது, கமலை ஒருபக்கம் ராஜ்யசபாவுக்கு அனுப்பி, இன்னொரு பக்கம் பிரச்சாரத்துக்கும் அனுப்ப தன் பிளானை திமுக சொன்னதாக தெரிகிறது.

 டீல் B

டீல் B

ஒருவேளை, 1+1 சீட் ஒதுக்கீட்டுக்கு மய்யம் உடன்படாவிட்டால், 2 மக்களவை தொகுதிகளை ஒதுக்க திமுக யோசித்து வருவதாக சொல்கிறார்கள்.. எப்படியும், பாஜக போட்டியிடும் தென் சென்னை அல்லது கோவையிலேயே களமிறக்கவும் திமுக தரப்பு திட்டமிட்டு வருகிறதாக தெரிகிறது.. அதேசமயம், தங்களுக்கு ஓரளவு பலம்வாய்ந்த தொகுதிகளான, தென்சென்னையையும், கோவையும், பாஜக லேசில் விட்டுவிடாது என்கிறார்கள்.. காரணம், இந்த 2 தொகுதிகளுக்கும் 2 பாஜக புள்ளிகள் இப்போதே குறி வைத்துள்ளார்களாம்..

ஜாம்பவான்

ஜாம்பவான்

கோவையில், அண்ணாமலையும், தென் சென்னையில் தமிழிசையும் போட்டியிட ஆர்வம் தெரிவித்துள்ளதாக தெரிகிறது.. இப்படி ஒரு ஆர்வம் தங்களுக்கு உள்ளதை, அமித்ஷாவிடமே சொன்னதாகவும் தெரிகிறது.. சம்பந்தப்பட்ட 2 பேருமே ஜாம்பவான்கள் என்பதால் மேலிடம் அதற்கு சம்மதம் சொல்லவே வாய்ப்புள்ளதாம்.. இப்படி எத்தனையோ யூகங்களும், கணிப்புகளும் தினம் தினம் முளைத்து வந்து கொண்டிருந்தாலும், திமுக கூட்டணியில் பாமக + மநீம சேரப்போகின்றனவா? ஒரே கூட்டணியில் விசிக + பாமகவை இணைக்க முயற்சி மேற்கொள்ளப்படுமா? என்பதெல்லாம் மிகப்பெரிய எதிர்பார்க்காத தமிழக களத்தில் எழுந்துள்ளது.. என்னதான் நடக்க போகிறது? பார்ப்போம்..!!

English summary
2+1: Are there any chances for PMK and MNM to join the DMK alliance, and What is VCK going to do
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X