தமிழக அரசியலில் இடைவிடாமல் சொல்லப்படும் வெற்றிடம்... நிஜந்தானா? பதில் தர காத்திருக்கும் 2021

Published: Friday, November 20, 2020, 16:44 [IST]

Subscribe to Oneindia Tamil

சென்னை: தமிழக அரசியலில் இடைவிடாமல் ஏலம்விடப்படுகிற வெற்றிடம் என்பது உண்மையில் இருக்கிறதா? அல்லது இது கட்டமைக்கப்படுகிற பிம்பமா என்பதற்கு பதில் சொல்ல காத்திருக்கிறது 2021-ம் ஆண்டு.

உயிர்ப்புடன் கட்சி தலைமைகள்

இத்தனைக்கும் இந்த இருபெரும் தலைவர்களின் கட்சி அதே கட்டமைப்புடன் எந்தவித சிதைவும் இல்லாமல் ஆளும் கட்சியாகவும் எதிர்க்கட்சியாகவும் கோலோச்சி வருகின்றன. இந்த இருபெரும் கட்சிகளை வழிநடத்துகிற அடுத்த தலைமைகளும் களத்தில் நின்று லோக்சபா தேர்தல், இடைத்தேர்தல்கள், உள்ளாட்சி தேர்தல்களை எதிர்கொண்டிருக்கின்றன.

எது வெற்றிடம்?

தலைவர்கள்தான் மறைந்தார்களே தவிர கட்சிகள் அப்படியேதான் இருக்கின்றன.. தொண்டர்கள் அப்படியேதான் இருக்கின்றனர்.. கட்சிகளின் செயல்பாடுகளும் அப்படியே தொடருகின்றன. ஆனாலும் எங்கோ இருந்து ஒரு வெற்றிடம் ஏற்பட்டுவிட்டது என்ற சொல்லை கண்டுபிடித்து இடைவிடாமல் பினாத்தி கொண்டிருக்கிறார்கள் சிலர்.

வெற்றிட முழக்கம்

இந்த தலைவர்கள் இல்லாத காலத்தில் புயலும் மழையும் வந்தது.. கொரோனா பேரழிவும் வந்திருக்கிறது.. தமிழகம் ஒன்றும் சுடுகாடாகிவிடவும் இல்லை.. தமிழகமே காணாமல் போய்விடவும் இல்லை. ஆனாலும் வெற்றிடம் என்கிற நாராச ஒப்பாரி மட்டும் ஓய்வில்லாமல் ஒலித்து கொண்டே இருக்கிறது. இப்படி சொல்லிக் கொண்டவர்களில் ஒன்றிரண்டு பேர்தான் களத்தில் இருக்கின்றனர்.

2021-ல் பதில் வரும்

பிரதானமாக முழக்கமாக இதை வைத்தவர்கள், அந்த வெற்றிடமே நான்தான்... என்னால்தான் அந்த வெற்றிடத்தை நிரப்ப முடியும் என்றெல்லாம் மார்தட்டியவர்கள் தேர்தலுக்கு 6 மாதம்தான் இருக்கும் நிலையில் கூட அரசியலை எட்டிப் பார்க்கவே அஞ்சி ஏசி ரூம்களில் பதுங்கிக் கொண்டு பட்டாசு வெடிக்கிறார்கள். இந்த வாய்சவடால்களுக்கு வலிமையான பதிலைக் காத்திருக்கிறது 2021. ஆம் 2021 சட்டசபை தேர்தல்தான் வெற்றிடம் இருக்கிறதா? இல்லையா? என்கிற புதிரை அவிழ்க்கப் போகிறது.

Published On November 20, 2020