6 மணிக்கு மேல்.. அப்படியே மாறிய காட்சிகள்.. பிபிஇ உடைக்கு மாறிய வாக்குச் சாவடி ஊழியர்கள்
சென்னை: மாலை 6 மணிக்கு பிறகு வாக்குச் சாவடி மையங்களில் ஊழியர்கள் கொரோனா கவச உடை அணிந்ததால், மருத்துவமனை போன்ற சூழல் நிலவியது.
இன்று காலை 7 மணி முதல் தமிழகம் முழுக்க 234 தொகுதிகளிலும் சட்டசபை தேர்தல் வாக்குப்பதிவு தீவிரமாக நடைபெற்று வருகிறது. கொரோனா காலம் என்பதால், இரவு 7 மணி வரை வாக்குப்பதிவு நடைபெறும் என்று அறிவிக்கப்பட்டுள்ளது. அதாவது வழக்கத்தைவிட ஒரு மணி நேரம் கூடுதலாக வாக்குப்பதிவு நடைபெறுகிறது.
ஆனால் , கொரோனா நோய் பாதித்தவர்கள் வரும் போது பிறர் அவர்களுடன் சேர்ந்து வாக்களிப்பது ஆபத்தானது. நோய் பரவும் அபாயம் இருக்கிறது என்பதால் மாலை 6 மணிக்கு மேல் 7 மணிக்கு உள்ளே நோய் பாதித்தவர்களுக்கு மட்டும் வாக்களிக்க ஏற்பாடு செய்யப்பட்டது.
அதே நேரம் மாலை 6 மணிக்கு முன்பாக வாக்குச்சாவடிக்கு செல்பவர்கள் வாக்களிக்க அனுமதிக்கப்படுவார்கள். அவர்களுக்கு டோக்கன் தரப்பட்டிருக்கும். அதை வைத்து 6 மணிக்கு மேலும் ஓட்டு போடலாம். இவர்கள் வாக்களித்த பிறகு கொரோனா நோயாளிகளுக்கு வாக்களிக்க ஏற்பாடு செய்யப்படும் என தலைமை தேர்தல் அதிகாரி சத்யபிரதா சாகு தெரிவித்தார்.
இந்த நிலையில், மாலை 6 மணிக்கு மேல், தேர்தல் பணியிலிருந்த ஊழியர்களுக்கு கொரோனா பிபிஇ கிட் வழங்கப்பட்டது. அவர்கள் 6 மணிக்கு மேல் முழு கவச உடை அணிந்து காணப்பட்டனர். இதனால் மருத்துவமனை போன்ற சூழல் நிலவியது. கொரோனா கவச உடை அணிந்தபடி கனிமொழி வாக்களித்தார் என்பது குறிப்பிடத்தக்கது.
Click it and Unblock the Notifications
Sign in with Google