சென்னையில் நாளுக்கு நாள் குறையும் கொரோனா.. பண்டிகை காலங்களில் என்னவாகுமோ!

சென்னை: சென்னையில் இன்று ஒரே நாளில் கொரோனாவால் 833 பேர் பாதிக்கப்பட்டுள்ளார்கள். இதுவரை 193299 பேருக்கு கொரோனா பாதிப்பு ஏற்பட்டுள்ளது.

தமிழகத்தில் இதுவரை கொரோனாவால் பாதிக்கப்பட்டோரின் எண்ணிக்கை 7 லட்சத்தை தாண்டியது. அண்மைக்காலங்களில் தமிழகத்தில் கொரோனா பாதிப்பு குறைந்த வண்ணம் உள்ளது.

மாவட்டங்களில் கொரோனா நிலவரத்தை பார்த்தோமேயானால் சென்னையில் இன்று 833 பேருக்கு கொரோனா பாதிப்பு ஏற்பட்டுள்ளது. அது போல் இன்று ஒரே நாளில் 1,077 பேர் டிஸ்சார்ஜ் ஆகி வீடு திரும்பியுள்ளார்கள்.

சென்னையில் இன்று 13 பேர் உயிரிழந்தனர். அரியலூரில் இன்று ஒரே நாளில் 7 பேருக்கு கொரோனா பாதிப்பு ஏற்பட்டுள்ளது. செங்கல்பட்டில் 193 பேருக்கும், கோவையில் 285 பேருக்கும் காஞ்சிபுரத்தில் 99 பேருக்கும் நாமக்கல்லில் 74 பேருக்கும் கொரோனா பாதிப்பு ஏற்பட்டுள்ளது.

சேலத்தில் 140 பேருக்கும் திருவள்ளூரில் 170 பேருக்கும், திருப்பூரில் 155 பேருக்கும் கொரோனா பாதிப்பு ஏற்பட்டுள்ளது. சென்னையில் இதுவரை 193299 பேருக்கும் கோவையில் 40982 பேருக்கும் செங்கல்பட்டில் 42063 பேருக்கும் கன்னியாகுமரியில் 14506 பேருக்கும் கொரோனா பாதிப்பு ஏற்பட்டது.

English summary

833 persons were affected in Chennai today. So far 1.93 lakhs in Chennai has corona.