பசும்பொன் முத்துராமலிங்க தேவர் குருபூஜை விவகாரம்- ஹெச்.ராஜா குறித்த செய்திக்கு வருத்தம்!
சென்னை: பசும்பொன் முத்துராமலிங்கத் தேவர் குருபூஜையில் பங்கேற்ற பாஜக மூத்த தலைவர் ஹெச். ராஜா தொடர்பாக ஒன் இந்தியா தளத்தில் நேற்று ஒரு செய்தி வெளியிடப்பட்டது.
பசும்பொன் தேவர் குருபூஜைக்கு சென்ற ஹெச்.ராஜா, கை கூப்பி வணங்கவில்லை என்றும் அதற்காக பிராமணர் சங்கம் அவரை பாராட்டியதாகவும் சமூக வலைதளங்களில் படம் ஒன்று வைரலானது. இதனை வைத்து அந்த செய்தியை நாம் வெளியிட்டிருந்தோம்.
ஆனால் ஹெச். ராஜா, தமது ட்விட்டர் பக்கத்தில் தேசியமும் தெய்வீகமும் நமது இருகண்கள் என்ற தலைப்பில் முத்துராமலிங்க தேவர் குருபூஜையில் தாம் கை கூப்பி வணங்குவதாக இருக்கும் ஒரு படத்தை வெளியிட்டிருந்தார். மேலும் நாம் வெளியிட்ட செய்தியை பிராமணர் சங்கம் மறுத்திருந்ததையும் அவர் வெளியிட்டிருந்தார்.
இதனடிப்படையில் நாம் முன்னர் வெளியிட்ட செய்தியை திரும்பப் பெற்று நீக்கி இருக்கிறோம். தவறுக்கு வருந்துகிறோம்.
Click it and Unblock the Notifications
Sign in with Google