நெய் பாதுஷா.. நட்டி அல்வா.. மைசூர்பாகு! ஆவின் வழங்கும் தீபாவளி காம்போ ஆஃபர்! எங்கும் கிடைக்காத விலை!

சென்னை: தீபாவாளி பண்டிகை நெருங்கி வருவதால் தமிழகம் முழுவதும் இப்போதே இனிப்புக் கடைகளில் ஆர்டர்கள் பெறப்பட்டு வியாபாரம் சூடுபிடிக்கத் தொடங்கியுள்ளன.

தனியார் இனிப்புக் கடைகளுக்கு போட்டியாக ஆவின் பால் நிறுவனமும் இந்தாண்டு தீபாவளிக்கு சூப்பர் காம்போ பேக்குகளை அறிமுகம் செய்து வாடிக்கையாளர்களை ஈர்த்து வருகிறது.

அந்த வகையில் காம்போ 'ஏ'வில் மைசூர் பாகு கால் கிலோ, மிக்சர் 200 கிராம், குக்கீஸ் 2, சாக்லேட் ஆகியவைகளை அடங்கிய பேக் ரூ.300க்கும், காம்பீ 'பி'யில் நெய் பாதுஷா கால்கிலோ, பாதாம் மிக்ஸ் 200 கிராம், குலாப் ஜாமூன் 200 கிராம், மிக்சர் 200 கிராம், சாக்லேட் ஆகிய இனிப்பு, கார வகைகள் அடங்கிய பேக் ரூ.500க்கும் விற்பனை செயப்படுகிறது. காம்போ 'சி'யில் காஜு பிஸ்தா ரோல் கால் கிலோ, காஜு கத்லி கால் கிலோ, நெய் பாதுஷா கால் கிலோ, நட்டி அல்வா கால் கிலோ என 1 கிலோ இனிப்பு ரூ.900க்கும் விற்பனை செய்யப்படுகிறது.

காஜூ பிஸ்தா ரோல் , காஜு கத்லி ஆகிய இரண்டு வகை இனிப்புகளும் முந்திரியிலேயே முழுக்க முழுக்க தயாரிக்கப்படுவதால் இந்த இனிப்புகள் அடங்கிய தொகுப்பு பேக்குகள் மட்டும் 900 ரூபாய்க்கு விற்பனை செய்யப்படுகின்றன. இதனிடையே ஆவின் பொது மேலாளர்கள் கூட்டத்தை நடத்திய அமைச்சர் மனோ தங்கராஜ், ஆவினில் தீபாவளிக்கு தயார் செய்யப்பட்டுள்ள சிறப்பு இனிப்பு வகைகள் பொதுமக்களிடையே நல்ல வரவேற்பை பெற்றுள்ளதால் அனைத்து ஒன்றியங்களிலும் இந்த சிறப்பு இனிப்பு வகைகள் அனைவருக்கும் கிடைக்க அறிவுறுத்தினார்.

தீபாவளியை முன்னிட்டு ஆவின் நெய், வெண்ணெய் மற்றும் அனைத்து வகையான ஆவின் பொருட்கள் பொதுமக்களுக்கு தங்கு தடையின்றி கிடைக்கவும் அமைச்சர் அறிவுறுத்தினார். ஆவின் உப பொருட்களின் விற்பனையை அதிகரிக்க மக்கள் அதிகமாக கூடும் இடங்களிலும் முக்கிய நகரங்கள் மற்றும் சுற்றுலாத் தளங்களில் புதிய ஆவின் பாலகங்கள் துவங்குவதற்கு நடவடிக்கை எடுக்கவும், நகரங்கள் தோறும் புதிய முகவர்கள், மொத்த விற்பனையாளர்கள் நியமனம் செய்யவும் அமைச்சர் மனோ தங்கராக் அறிவுரை வழங்கினார்.

English summary

Competing with private sweet shops, Aavin is also attracting customers by introducing super combo packs for Diwali this year.